SAMUEL 2 5:25 - Alkitab Singog In Mongondow Masa In Tanaa

²⁵ Inaidan i Daud onu in pinoki aid i Tuhan, bo kinountunanannea in intau in Pilistin nongkon Geba nodapot kon Gezer.

SAMUEL 2 5:25 Referans Kwoze

TAWARIKH 1 14:16

Ki Daud in nogaid kon onu inta pinarenta i Allah kon inia. Sia takin tontaranea mita in nomout noidapot in inumundok in tontara in Pilistin pinangkoi kon Gibeon nodapot in Gezer.

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

YOSUA 16:10

Táe suku Epraim diábí noguntun kon intau in Kanaan nongkon butá in Gezer. Tuamai nodapot kon tanaa mako intau in Kanaan nogutunpabí doman kon Gezer noyotakin in intau in Epraim, táe mosia pinakisa nogaid nobaḻí ata kon intau in Epraim.

IḶUAIAN 12:28

Dá mosia in minayádon bo nogaid kon onu inta pinarenta i Tuhan kon i Musa bo kon i Harun.

YOSUA 10:33

Ki Horam, datu in Gezer namangoi notuḷung kon i Lakhis, táe sinaḷow doman i Yosua in sia bo tontaranea mita; diá tobatúmai in kinotaḷáan, nodait minatoi.

SAMUEL 2 8:1

Noiduduimai kon tua ki Datu Daud nonubu bui kon intau in Pilistin. Sinaḷownea in mosia bo poḷat nogagow kon butá monia.