SAMUEL 2 5:20 - Alkitab Singog In Mongondow Masa In Tanaa

²⁰ Onda intua minayádon in ki Daud kon Baal-Perasim bo sinaḷownea kon tua in tontara mita in Pilistin. Bo noguman in sia, “Ki Tuhan ain nondumpak kon poḷoḷukadan in musungku, naonda bo ḷunud noyompat kon bayongan in yagi-yagi tongá sakidap mako natua.” Tuamai in tampat tatua sinangoian Baal-Perasim.

SAMUEL 2 5:20 Referans Kwoze

YESAYA 28:21

Ki Tuhan in simindogbí ná kon Buḷud in Perazim. Sia in moḷongasibí totok ná kon Ḷopá in Gibeon sin mopobayá in makusud-Nea, makusud inta mokoherang kon intau! Sia in moponiatabí in oaidan-Nea inta mokoherang.

SAMUEL 2 19:9

Kon bonu in bayongan suku in Israel nomukádon in bobayowan. Guman monia, “Ki Datu Daud ain noposaḷamat kon inaton nongkon intau in Pilistin bo nopoḷuatdon kon inaton nongkon musung mita ibanea, táe tanaa in sia in noḷaguidon kon i Absalom bo nonaḷámai kon butá tanaa.

TAWARIKH 1 14:11

Dá ki Daud takin tontaranea mita in minayá nonubu kon intau mita in Pilistin tatua kon Baal-Perasim bo nonaḷow kon i monia. Ki Daud in noguman, “Ki Allah in nomakédon kon inakó mondangat kon poḷoḷukadan in musung ná ḷunud inta noyompat kon bayongan in yagi-yagi kon bonu in tokokiap.” Tuamai in tampat tatua sinangoian Baal-Perasim.

MAZMUR 60:1

Kon i itoi in mododondong. Podudui in dondong: Bungang bakung kosakusian. Mazmur topotundú nongkon i Daud,

HABAKUK 3:13

Iko in minayá inumuna sin mopoḷuat kon umat-Mu bo moposaḷamat kon datu inta piniḻí-Mu. Binout-Mu nodapot in noḷabú in itoi in intau moraat, nodait-Mu iyompat in bayongan dumoduduinea.