SAMUEL 2 3:39 - Alkitab Singog In Mongondow Masa In Tanaa

³⁹ Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

SAMUEL 2 3:39 Referans Kwoze

MAZMUR 101:8

Pomuḷoi in singgai yopúonku in intau mita moraat kon butá tanaa. Komintan intau inta mogaid kon moraat in inggamáankubí kon kotá i Tuhan.

MAZMUR 28:4

Hukumdon in mosia podudui in oaid monia, sin aid moraat inta inaidan monia. Hukumdon in mosia podudui in oaid monia; ḷabúaidon in mosia in hukuman inta potongkaná kon gogutúnea.

TIMOTIUS 2 4:14

Ki Aleksander inta mononontaḷ kon tambaga tua, nomiadon kon inta totok in diá mopia kon inakó. Tongá tuḻíanbí i Tuhan in oaidnea tatua podudui doman in oaidnea.

SURAT I PAULUS KON JAMAAT RUM 13:4

Sin pomarenta tua in mogogaidbí kon oaidan i Allah inta mogaid kon kopiaanmu. Táe aka iko in mogaid kon inta moraat, dá iko in mustibí moondok kon pomarenta, sin deemanbí tongá ibo-ibog sia in inogoian in kawasa mohukum kon intau. Sia tua in mogogaidbí kon oaidan i Allah inta nopoḷabú in hukuman i Allah kon intau mita inta mogaid kon moraat.

AMSAL 25:5

Untundon in monononggina mita inta moraat nongkon komaḻig, baintua bo moroton in pomarenta sin moadil.

MAZMUR 62:12

Kotongonumaidon in dinongogku in ki Allah noguman kon kawasa in nongkon i-Niabí,

YESAYA 7:4

Pogumandon kon i datu kon sia in musti tantú mosadia bo umuran mokopoonow. Dikabí in sia moondok andeka motoboḻingo. Torú i Datu Pekah bo i Datu Rezin takin tontaranea intau mita in Siria tatua in diábí noiḻiu kon doyowa in oḷuton inta nonompoyok.

AMSAL 20:8

Aka datu ḻimitú kon kadera in pongadilan, koontonganneabí in bayongan inta moraat.

MAZMUR 75:10

Táe akuoi in umuranbí mopotaau in Allah i Yakub, mopodondong in dodayow kon i-Nia.

MAZMUR 7:16

Sia in mongaḻi kon bubú koḷabúan in intau ibanea, táe siabí tontaní in moibonu kon tua.

TAWARIKH 1 22:5

Bayongan intua inaidan i Daud sin sia in norai nanaa: “Musti in akuoi moposadia in bayongan onu inta pakéon pogaid kon Baḷoi Tuhan. Sin ki Salomo ki adíku ḷoḷaki in nobagupa bo diápa kopongalaman, bo Baḷoi Tuhan inta posindogonnea in mustibí mogaga totok bo ponango-nangoian kon sinangkub in dunia naa.” Dá kon dodai in ki Daud diápa minatoi, nobarongdon totok in sinadianea in pakakat mita pogaid kon baḷoi tatua.

SAMUEL 2 19:13

Ki Daud in nopotabá doman kon i monia moguman kon i Amasa nanaa, “Iko nion in ginaḷumkubi! Pinangkoi kon tanaa mako iko in baḻíonkudon tongguḷu totok in tontaraku momaḷui kon i Yoab. Igumon mako ki Allah in moḻimod kon inakó aka diá aidanku intua!”

IḶUAIAN 21:12

“Ki ine in momongkug kon intau ibanea modapot in matoi, yo mustibí hukumon matoi in sia.

SAMUEL 2 3:38

Guman i datu kon intau mita inta dinumudui tatua, “Diábí degá kinotaauan monimu kon singgai in naa tobatú itoi moḷoben kon Israel ain minatoi?

SAMUEL 2 16:10

Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

SAMUEL 2 19:22

Táe ki Daud in noguman kon i Abisai bo kon i Yoab ki guya-guyangnea, “Dika kumapog. Nongonu sin moiko in moposusabímai kon inakó? Kon singgai in naa akuoi in buidon nobaḻí datu kon Israel, bo diá bidon motaau in moḻimod kon intau in Israel.”

DATU MITA IMITÁNEA 2:32

Ki Tuhan in mohukum kon inia popisí in sia noḻimod diá kinotaa-taauanmai i amáku. Ki Abner porwira in Israel, bo ki Amasa porwira in Yohuda, taya dua in tumpaḷa diá kotaḷá. Mosiabí in mopia-pia nongkon i Yoab, táe iḻimodnea in mosia.

TAWARIKH 1 29:1

Bo ki Datu Daud in nogumandon kon bayongan in intau inta noyosipun kon tua, “Nongkon bayongan in adíku ḷoḷaki, ki Salomobí in piniḻí i Allah. Táe nobagupa totok in sia bo noyakagpa in pongalamannea bokaka oaidan tanaa in totokbí in moḷoben. Apa doman inta posindogon tatua in deemanbí komaḻig in intau, táe baḷoibí kon i Tuhan Allah.

TAWARIKH 2 13:7

Nosipun in sia kon topaanan in intau mita inta diá koendar bo nomakisa kon onu inta kinoibog monia kon i Rehabeam ki adí ḷoḷaki i Salomo, inta kon dodai intua noiḻiupa in bagu bo diápa kopongalaman noparang.

YEREMIA 38:5

Ki Datu Zedekia in notubag, “Mopia! Aidai podudui in koibogmu, diábí in akuoi motaau mogimaḷow kon i monimu.”

DANIEL 6:16

Onda intua intau mita tatua bui namangoi kon tayowon i datu bo noguman, “Tuangku, mustibí toropon i Tuangku kon podudui in undang-undang in Media bo Persia, parenta inta ain pinoḷuai i datu in diábí motaau baḷú-baḷuian.”

PINOGIAPAN 32:23

Tongá pokotaau, aka diá intompodan monimu in dandimu, yo baradosaan in moiko kon i Tuhan bo hukumon sin popisí in dosamu tatua.

HAKIM MITA 9:57

Bo ki Tuhan nohukum doman kon intau mita in Sikhem popisí in aid monia inta moraat. Tua mita in noitombutung kon ná onu inta ain siningog i Yotam ki adí i Gideon soaḷ mosia tua kon wakutu in nogodi-godimai kon i monia.

DATU MITA IMITÁNEA 2:9

Táe naa in koyowku kon inimu: dika pomayá mako in sia moiḷuat nongkon hukuman. Kinotaauankubí kon iko nion in mobijaksana; dá, umpakabí in sia ain nogoguyang, ḷongasidon sinbá hukumon matoi in sia.”

YESAYA 3:11

Táe moboditodon in intau moraat! Mosia in pomiaanbí ná pinogogaid monia kon intau ibanea.