SAMUEL 2 3:18 - Alkitab Singog In Mongondow Masa In Tanaa18 Yo, tanaadon in kasampatan monimu. Toropdon, ki Tuhan ain nodandi kon i Daud, kon pongin i inia umat-Nea Israel posaḷamaton nongkon intau in Pilistin bo nongkon bayongan in musung ibanea mako.” Gade chapit la |
Maníka motuḷungdon in akuoi kon i Daud, apa doman ki Tuhan ain nodandi kon inia kon mogamábí kon dodatuan tanaa nongkon i Saul bo kon buínea mita, bo moduí kon i Daud mobaḻí datu kon bayongan in Israel bo Yohuda. Igumon mako ki Allah in moḻimod kon inakó, aka diá aidanku in dandi i Allah kon i Daud tua!”
Diá noonggot kon tua ki Tuhan noguman kon i Samuel, “Dapotpa in toonu iko umuran mokuyang in gina tongá popisí in ki Saul? Sia tua in diá bidon ináku-Ku datu in Israel! Tanaa in pogamádon kon ḷana in zaitun bo bayádon kon Betlehem, kon intau inta ki Isai in tangoinea, sin ki adínea tobatú ain piniḻí-Ku nobaḻí datu.”
“Ikoḷom doḷo-doḷom degá orasmai nanaa, Akuoi in mopotabádon mangoi kon intau tobatú nongkon suku Benyamin mamangoi kon inimu. Duídon in sia takin upacara popotoguḷuan in ḷana sin baḻíon datu kon umat-Ku Israel. Sia in moposaḷamat kon umat-Ku nongkon intau in Pilistin. Akuoi in nokoontongdon kon roriga in umat-Ku bo nokodongogdon kon ombaḷ monia mokituḷung.”