SAMUEL 2 23:13 - Alkitab Singog In Mongondow Masa In Tanaa

^13-14 Kon singgai ibanea kon dodai in motoyongdon in ponoḻisían kon bungai in boyó, intau toḷu nongkon 30 in porwira i Daud inta noiḷontú tua nosiḻig kon Angob in Adulam. Kon tungkuḷ intua ki Daud kon bonu in tampat poḷoḷukadan kon angob tatua. Intau in Pilistin nononḷoḷaigan kon Ḷopá in Repaim, bo topaanan nongkon i monia in nokoḻitúdon kon Betlehem.

SAMUEL 2 23:13 Referans Kwoze

SAMUEL 2 5:18

Intau in Pilistin nodapot kon Ḷopá in Repaim bo iḻitúannea.

SAMUEL 1 22:1

Onda intua ki Daud nonaḷámaidon kon kotá in Gat bo nogadop kon angob kon diug in kotá in Adulam. Naonda in kinodongogan i guya-guyangnea mita bo in bayongan in ginaḷumnea kon ki Daud in kon tua, namangoidon in mosia kon inia.

MIKHA 1:15

Ei intau in Maresya, Ki Tuhan in moposarakan kon i monimu kon musung inta mopotungkud in kotámu. Itoi mita in Israel inta nongawasa in mogadop kon bonu in angob mita kon Adulam.

YESAYA 17:5

Israel in nádon onda bo gobá kon Repaim inta nopaḷutdon iratab in gandumnea, bo dongkadon topiḻik in ki agatnea.

TAWARIKH 1 14:9

Kon dodai intua intau in Pilistin noiyaputdon kon Ḷopá in Repaim bo nogagowdon kon ḷopá tatua.

SAMUEL 2 5:22

Diá noonggot kon tua intau mita in Pilistin bui namangoi bo iḻimitú kon Ḷopá in Repaim.