SAMUEL 2 23:12 - Alkitab Singog In Mongondow Masa In Tanaa

¹² Táe ki Sama in umuranbí noparang, noḻimod bo nonaḷow kon intau in Pilistin, dá nokoḷukadon kon gobá tatua. Natua in nobaḻí ki Tuhan nobogoi in kauntungan inta moḷoben.

SAMUEL 2 23:12 Referans Kwoze

AMSAL 21:31

Umpakabí parang sinontouḷutan in kabaḷo in parang, inta monantú kon kauntungan in ki Tuhanbí.

SAMUEL 2 23:10

ki Eleazar umuran noḷongasi nomutú kon intau mita in Pilistin nodapot in noḷopídon totok in sia. Ḻimanea in notorondódon nodapot in diádon motaau in sia mogukat kon kedangnea. Kon singgai tua ki Tuhan nobogoi in kauntungan moḷoben kon Israel. Tontara in Israel inta inumundok koina bui namangoi kon tampat pinoparangan i Eleazar, bo noḷongkut kon ḷambung mita in parang nongkon mayat mita kon tua.

MAZMUR 44:2

O Allah, ain dinongog nami tontaní in ouman inta inouman in mogoguyang nami onu inta motoyang inaidan-Mu kon tungkuḷ intua.

MAZMUR 3:8

Posaḷamatpa in akuoi, o Tuhan Allahku, hukumdon bo potungkudon in bayongan in saturuku.

TAWARIKH 1 11:13

Kon bonu in pinoparangan kon Pas-Damim sia in irumopot kon dotá i Daud nonayow kon intau in Pilistin. Kon dodai in tontara in Israel nomangkoidon noḷagui, sia takin in intaunea mita in umuran nonayow kon yua-yuak in tobatú gobá in gandum bo noparang nonayow kon intau mita in Pilistin tatua. Bo pinopountung totok i Tuhan in sia.