SAMUEL 2 22:42 - Alkitab Singog In Mongondow Masa In Tanaa

⁴² Mosia in kinumarak, táe diá in notuḷung, mosia in nokuani kon i Tuhan, táe diá sinubagan-Nea.

SAMUEL 2 22:42 Referans Kwoze

YESAYA 1:15

Aka moiko motonggó kon ḻimamu sin mosambayang, doíbí in Akuoi moindoimai. Diábí pandungon-Ku mongo kotongonu in moiko mosambayang, doíbí in Akuoi mokidongog, sin ḻimamu tatua in pinoḻimodmu kon nobayong in intau.

SAMUEL 1 28:6

Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.

MIKHA 3:4

Moiangoibí in wakutunea moiko in momaḷú mokituḷung kon i Tuhan, táe Sia in doíbí motubag. Sia in doíbí mokidongog kon sambayangmu mita, popisí in moiko in nogaidon kon inta moraat.

AMSAL 1:28

Kon dodai intua moiko in mokuani kon inakó, táe doí in akuoi tumubag. Tayakon magí-mako monimu in akuoi táe diábí mouḻí monimu.

YEHEZKIEL 20:3

“Ei intau ilo-ilow, poyosingogdon in itoi mita tatua bo poguman kon Akuoi, ki Tuhan Inta Totok in moḷantud in noguman nanaa, ‘Mokobaḻíbí totok in moiko in moigum kon topotundú-Ku! Podoyon kon i-Nakó, ki Allah inta nobiag, doíbí in Akuoi poigumanmu kon topotundú! Akuoi, ki Tuhan Inta Totok in moḷantud ain nosingog.’

AYUB 27:9

Indongogan degá i Allah in ombaḷnea aka koantugan in roriga in sia?

YESAYA 17:7

Kon singgai tatua intau in buidon mokituḷung kon i Inta nomaḻí kon inia, ki Allah mokudus in Israel.

YESAYA 17:8

Mosia in diá bidon mogoḷat mako kon bungai in inta inaidan monia tontaní, tuata in mezbah mita pototubáan kon dupa, bo patong mita i Dewi Asyera.