SAMUEL 2 22:17 - Alkitab Singog In Mongondow Masa In Tanaa

¹⁷ Nongkon tampat moḷantud Sia in nopotonggó in ḻima-Nea; kinadaian-Nea in akuoi bo binatun-Nea nongkon tubig inta modaḷom.

SAMUEL 2 22:17 Referans Kwoze

YESAYA 43:2

Aka iko ḷumoḷan kon tubig yo takinan-Ku in iko, iko in diábí moḷomot kon bonu in rorigamu mita. Aka mongin tuḷú, diábí in iko mopokak, totungkuḷ mita inta mobogat in diábí mokobodito kon inimu.

MAZMUR 144:7

Potuntundon mangoi in ḻima-Mu nongkon soroga, bo batundon in akuoi nongkon dunuk. Posaḷamatdon in akuoi nongkon kawasa in intau ango-angoi

MAZMUR 32:6

Tuamai in pomuḷoi in intau inta motoḷutui musti mosambayang kon tungkuḷ in koumaan in roriga, dá aka ḷunud in susa moiangoi, sia in diábí kodangatannea.

MAZMUR 18:16

Apad in dagat inontongdon bo aip in butá nobukat kon dodai in ki Tuhan nongguak kon musung-Nea pinongin torú.

WAHYU 17:15

Malaekat tatua in noguman doman, “Tubig inta inontongmu tatua, tampat inta iḻitúan in sundaḷ tatua, tuata in bangusa mita, rayat mita, negara mita bo bahasa mita.

MAZMUR 130:1

Dondong mayá in Baḷoi i Tuhan. Nongkon bonu in irang roriga akuoi in nokuani kon ini-Mu, o Tuhan.

IḶUAIAN 2:10

Kon dodai in adí mointok tatua noḻin ḷobendon, pinosarakandon i inánea in sia kon i adí bobay i datu. Bo binaḻídon i adí bobay i datu tatua ki adínea. “Sinangoianku in sia ki Musa, sin sia ginamáku nongkon tubig,” guman i adí bobay datu.

OMBAḶ 3:54

Tubig in noponik nodapot kon uḷuku, bo kon raianku, – ‘Dapotdon in naa in kobiaganku!’

SAMUEL 2 22:18

Sia in noposaḷamat kon inakó nongkon musung inta moropot bo nongkon intau inta doí kon inakó sin mosia in moropo-ropot in akuoi.