SAMUEL 2 22:1 - Alkitab Singog In Mongondow Masa In Tanaa

¹ Naonda in ki Tuhan noposaḷamat kon i Daud nongkon i Saul bo nongkon musungnea ibanea, nopodondong in ki Daud in dondong tanaa kon i Tuhan: [

SAMUEL 2 22:1 Referans Kwoze

HAKIM MITA 5:1

Kon singgai tatua nododongdon in ki Debora bo ki Barak adí i Abinoam. Nanaa in kainia

IḶUAIAN 15:1

Bo ki Musa takin intau mita in Israel nopodondong in dondong tanaa sin modayow kon i Tuhan, “Akuoi in moibog modondong kon i Tuhan, sin moḷobenbí in kawasa-Nea. Bayongan in kabaḷo bo intau inta sinumakoi pinogambat-Nea kon bonu in dagat.

TIMOTIUS 2 4:18

Totuubí kon ki Tuhan in momilatbí kon inakó nongkon bayongan tomayá moraat, sahingga in diaan-Neabí in akuoi tumuot kon dodatuan-Nea kon soroga takin saḷamat. Tuamai in tantúbí dayow in Sia modapot in kopaḷutan dunia naa! Amin.

MAZMUR 34:19

Ki Tuhan in nodiug kon intau inta kinobuḻian in kamang; bo moposaḷamat kon intau inta noinggamá in ibog.

MAZMUR 50:14

Posumbadon in kuruban sukur kon i Allah, intompodaidon in dandimu kon i Inta Totok in moḷantud.

SAMUEL 2 22:49

Pinosaḷamat-Nea in akuoi nongkon musungku mita. Tuhan, pinopountung-Mu in akuoi nongkon musungku, Iḷukadan-Mu in akuoi nongkon intau mita inta moromú.

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”

SAMUEL 1 26:24

Dá, nádon onda in ki Tuang datu aindon pinomayá mako in bobantung naa nobiag in singgai naa, dá igumon mako natua doman in bobantung naa ḷukadan i Tuhan bo pilatan nongkon bayongan in bodito!”

SAMUEL 1 25:29

Aka oyúon in intau monubu kon i Tuangku bo monungkuḷ moḻimod kon i Tuangku, dá ki Tuangku in notantú bidon kon ḷukadan i Tuhan Allah naonda bo kapunyaan inta iḷukadan i toginea. Táe musung i Tuangku in pogambatdon i Tuhan koyayúon, pogambat-Nea naonda bo koyayú in kogambatan in katipol.

SAMUEL 1 24:15

Taridiaidon in akuoi naa inta ḻimodon i datu in Israel! Indoiaidon in akuoi naa inta aḷo-aḷowannea mako! Akuoi inta tongábí ná ungkú tobatú inta minatoi, tongábí ná kutu tobatú.

SAMUEL 1 23:14

Nopaḷut mako kon tua ki Daud in nogutun kon angob mita kon buḷud kon padang gurun Zip. Sia in umuran aḷo-aḷowan mako i Saul, táe diábí i Tuhan inogoi in sia kon i datu tatua.

KORINTUS 2 1:10

Ki Allahbí tua in noposaḷamat kon inami nongkon yoyiga inta mokopatoi tua. Bo inta moposaḷamat kon inami kon singgai moiduduimai naa, sin tongábí Sia in binaḻí nami oandoḷan. Kami in moyakin bidon kon sambayang mita monimu kon inami indongoganbí i Allah, sahingga in posaḷamaton-Neabí in kami nongkon bayongan inta mokobodito kon i nami. Ki Allah in umuranbí nobogoi in barakat kon inami sin umuran monimu sinambayangan. Tuamai nobayongdon totok in intau mosukur kon i Allah.

ULANGAN 31:30

Onda intua ki Musa nosingog kon dondong tanaa nodapot in nopaḷut bo bayongan bangusa Israel nokidongog kon tua.

TAWARIKH 1 16:7

Tuata inta dungkuḷ totok ki Daud nopotabá kon i Asap bo yobayatnea mita sin mopodondong in dodayow kon i Tuhan.

SAMUEL 2 12:7

Guman i Natan kon Daud, “Ki Tuangbí in intau tatua! Bo naadon in pinoguman i Tuhan, Allah in Israel, ‘Iko in dinuí-Kudon nobaḻí datu kon Israel bo pinosaḷamat-Ku nongkon i Saul.