SAMUEL 2 21:17 - Alkitab Singog In Mongondow Masa In Tanaa

¹⁷ Táe ki Abisai adí i Zeruya in namangoi notuḷung kon i Daud. Sinayowannea in tuyá tatua bo iḻimodnea. Nopaḷut mako kon tua intau i Daud nopoigum sinbá ki Daud in modandidon kon diádon tumakin bui moparang. “Ki Tuang datu in nobaḻí harapan in Israel, dika modapot in kami kobuḻian i Tuang datu,” guman monia.

SAMUEL 2 21:17 Referans Kwoze

DATU MITA IMITÁNEA 11:36

Tongá tongosuku in pomayá-Kubí mako kon inia, sinbá umuran oyúon in intau tobatú nongkon buí in mogogundoi-Ku ki Daud inta momarenta kon tayowon-Ku kon Yerusalem, kotá inta ain piniḻí nobaḻí tampat posumbaan kon i-Nakó.

SAMUEL 2 18:3

Táe intaunea mita tatua in notubag, “Dika Tuang. Sin aka kami bo pakisadon moḷagui, andeka tongobotak kon inami in matoi, yo diápabí doman mopia in gina in musung, sin ki Tuangbí in tayakon monia. Ki Tuang in notongkaibí in boḻi in mopuḷú noribu in intau nongkon inami. Mopia-piabí in ki Tuang mokidia mangoi in totuḷung kon inami nongkon kotá.”

MAZMUR 132:17

Kon naa buí i Daud tobatú in baḻíon-Kubí datu; pomomarentaannea in irigonan-Kubí.

DATU MITA IMITÁNEA 15:4

Táe, popisí in nonorop kon i Daud, dá ki Tuhan, Allah inta sinumba i Daud, ain nobogoi kon i Abiam in adí tobatú sin monoḻiu kon inia momarenta kon Yerusalem bo moḷukad kon kotá tatua.

YOHANES 5:35

Ki Yohanes tua in naonda bo togá noyongkit inta moponindar in bayag. Bo kon tanaa mako mosanangpabí in gina monimu in motarima kon sindar tatua.

MAZMUR 144:10

Iko in nopountung kon datu mita, bo nopoḷuat kon i Daud mogogundoi-Mu.

MAZMUR 46:1

Mazmur in inanakan i Korah. Kon i itoi in mododondong. Pinongin dondong Alamot.

SAMUEL 2 22:29

Iko nopoyongkit in togáku; Ki Tuhan Allahku nonimbayag kon sindipku.

SAMUEL 2 22:19

Mosia in nonubu kon inakó kon dodai in akuoi kino antugan in roriga táe ki Tuhan in nobaḻí mototuḷungku.

SAMUEL 2 14:7

Bo tanaa, bayongan in ginaḷumku in mosaturudon kon inakó bo monuntut sinbá akuoi in mobogoidon kon i monia kon adíku inta noḻimod tatua, sinbá popoḷabúan monia in hukuman matoi, sin sia in noḻimodon kon i utatnea. Aka ogoikudon in ki adíku tatua, dá dongkadon aku-akuoi mita. Mosia in momoguyaatdon kon inta nobaḻí andoḷan in kobiaganku bo diádon monaḷámai kon adí ḷoḷaki tobatú kon i buḷoiku sin mongingguput kon buínea.”

YEREMIA 40:15

Bo inumado-adop noguman in ki Yohanan kon i Gedalya, “Biódon mako bayáanku ḻimodon in ki Ismael; diábí tobatúmai in intau in mokotaau kon ki ine in noḻimod. Nongonu sin mustibí pomayá mako in sia in moḻimod kon inimu? Tua in mokopopisíbí kon bayongan in intau in Yohuda inta ain noyosipun kon naa takinmu, moiraritdon bui, bo tua in mokorimumudbí kon bayongan in rayat inta ki agatnea kon Yohuda.”

SAMUEL 2 18:2

Nopaḷut mako kon tua pinotabáneadon in mosia minayá noparang kon bonu in toḷu nopaanan, paanan mita tatua in kon bonu in tongganut i Yoab, i Abisai ki ai-ai Yoab bo Itai intau i Gat. Guman i datu kon intaunea, “Akuoi in mayá doman moyotakin monimu.”