SAMUEL 2 21:12 - Alkitab Singog In Mongondow Masa In Tanaa

¹² minayá in sia nogamá kon tuḷan mita i Saul bo i Yonatan nongkon intau mita inta nogutun kon kotá in Yabesh kon Gilead. (Intau mita tatua ain nonakow kon tuḷan mita tatua nongkon tanah lapang in kotá in Bet-San, tampat in intau in Pilistin nobambé kon mayat mita tatua naonda in nonaḷow kon i Saul kon Buḷud in Gilboa.)

SAMUEL 2 21:12 Referans Kwoze

YOSUA 17:11

Kon bonu in butá i Isakhar bo i Asyer tua oyúon in butá mita kapunyaan i Manasye, tuata in Bet-Sean bo Yibleam takin ḻipú mita kon diugneamai. Noituot doman: in Dor (kotá inta noiukat kon bingkí in dagat), En-Dor, Taanakh, Megido takin ḻipú mita kon diugneamai.

TAWARIKH 1 10:1

Intau in Pilistin in noparang takin intau in Israel. Mosia in noparang kon buḷud in Gilboa. Nobarong in intau in Israel in minatoi kon tua bo ki agatnea noitakin doman in ki Datu Saul bo ki adínea mita ḷoḷaki in noḷagui.

SAMUEL 2 1:21

Ei buḷud mita in Gilboa, indongogaidon in baḷúku: Dika modapot in oḷú bo uyan momuntad kon inimu! Pomayádon mako moingkag bo moḷogat in gobá bo tampat popokaanmu in biag. Sin kon tuata in kinogambatan in kaḻeaw in intau mita mobarani. Bo kaḻeaw i Saul in kaḻiotáan, diádon iḻepoan bui in ḷana.

SAMUEL 2 1:6

Tubagnea, “Noikoḷatbí totok kon akuoi in kon Buḷud in Gilboa, bo nokoontong kon ki Saul in inumandoḷ kon pandongnea, bokaka kereta mita bo tontara in musung inta sinumakoi kon kabaḷo in dinimiugdon sin mongopung kon inia.

SAMUEL 1 31:1

Kon dodai intua intau in Pilistin in noparang takin intau in Israel kon buḷud in Gilboa. Nobayong in intau in Israel in minatoi kon tua, bo ibanea mako takin doman in ki Saul bo ki adínea mita ḷoḷaki in noḷagui.

SAMUEL 1 28:4

Dá naonda in tontara in Pilistin noyosipun bo nononḷoḷaigan kon diug in kotá in Sunem, ki Saul nosipundon kon intau in Israel, bo nononḷoḷaigan in mosia kon Buḷud in Gilboa.

TAWARIKH 1 10:8

Nopoikoḷomai kon singgai kon dodai in intau in Pilistin namangoi sin mogagow kon mayat mita, nouḻídon monia in ki Saul bo ki adínea ḷoḷaki taya toḷu minatoidon kon buḷud in Gilboa.

SAMUEL 1 31:3

Parang tatua in mobogat totok kon dotá i Saul, bo ki Saul tontaní in kinotugatan doman in piot mita in musung nodapot in sia in kinekeban nodaḷom.

SAMUEL 1 31:4

Bo nogumandon in ki Saul kon tayow mobiag inta nodia kon pakakat in parangnea, “Rabutdon in kedangmu bo tumbukdon in akuoi, sinbá akuoi diá pogogitog muna bodongka ḻimodon in intau mita inta diá nonotaau kon i Tuhan tatua.” Táe tayow mobiag tatua in doíbí monumbuk kon inia, sin totok in sia mohoromat kon i Saul. Manangka intua ki Saul in norabutdon kon kedangnea tontaní bo inumumpag kon mata in kedang tatua.

SAMUEL 2 21:11

Naonda in pinotaau kon i Daud in onu inta inaidan i Rizpa,

SAMUEL 2 21:13

Tuḷan mita i Saul bo i Yonatan tatua in dinia nongkon tua, bo sinipunnea doman in tuḷan mita i nayapitu inta binambé tatua.

SAMUEL 2 2:4

Onda intua intau mita in Yohuda namangoi kon Hebron, bo noduí kon i Daud nobaḻí datu kon Yohuda. Naonda in ki Daud nokodongog kon intau mita in Yabesh kon Gilead noḷobongdon kon i Saul,

TAWARIKH 1 10:12

intau mita inta totok in mongobarani kon sigad monia in minayá nogamá kon mayat i Saul bo i adínea mita ḷoḷaki bo dinia monia kon Yabesh. Iḷobong monia in tuḷannea mita kon siungon in pangkoi in kayu moḷoben onda intua mosia nopuasa pitu nosinggai in koonggotnea.