SAMUEL 2 20:23 - Alkitab Singog In Mongondow Masa In Tanaa

²³ Naadon in intau mita moḷoben inta dinuí i Daud: Tongguḷu totokan in bayongan tontara in Israel: ki Yoab. Tongguḷu in tontara moḷoḷukad kon i Daud: ki Benaya adí i Yoyada.

SAMUEL 2 20:23 Referans Kwoze

SAMUEL 2 23:20

Porwira tobatú inta ponango-nangoian ibanea in ki Benaya adí i Yoyada intau in Kabzeel. Totok in sia mobarani. Intau doyowa inta totok in mobarani nongkon Moab iḻimodnea. Nokoimontandon in kon dodai in singgai oyúon in oḷú inta mokompo-kompoḷ, sinumuot in sia kon bubú tobatú, bo noḻimod kon singa tobatú kon tua.

DATU MITA 2 11:4

Kon taong noginpitu, porwira mita moḷoḷukad tontaní i datu bo moḷoḷukad mita kon komaḻig inoiní i Imang Yoyada sin moyodungkuḷnea kon Baḷoi Tuhan. Kon tua pinoki pongibotannea in mosia kon mogaid kon tombayánea. Pinoontongnea kon i monia in ki Yoas, ki adí ḷoḷaki i Datu Ahazia,

SAMUEL 2 8:15

Natuata in nobaḻí ki Daud nomarenta kon bayongan in Israel bo noḷukad sinbá rayatnea in umuran koadilon bo kopiaan in pomomarenta.

SAMUEL 2 20:7

Dá kon bonu in tongganut i Abisai, tontara i Yoab bo tontara inta moḷoḷukad kon i datu bo bayongan in tontara ibanea nobuat nongkon Yerusalem sin mogaḷow kon i Seba.

DATU MITA IMITÁNEA 1:7

Bo minayá in sia noyosingog i Yoab bo i Imang Abyatar. Ki iná in Yoab naa in ki Zeruya. Ki Yoab bo ki Imang Abyatar noibog kon onu in ḷongasion i Adonia tua.

DATU MITA IMITÁNEA 1:8

Táe ki Imang Zadok, ki Benaya adí i Yoyada, ki Nabi Natan, ki Simei, ki Rei bo moḷoḷukad kon i Datu Daud in doíbí kon i Adonia.

DATU MITA IMITÁNEA 4:1

Ki Salomo ain nobaḻí datu kon bayongan butá in Israel.