SAMUEL 2 2:32 - Alkitab Singog In Mongondow Masa In Tanaa

³² Nopaḷut mako kon tua ki Yoab bo intaunea mita in nobuatdon kon mayat i Asael bo iḷobong monia kon bonu in poḷoḷobongan in motoḷuadí kon Betlehem. Bo mosia in minayá in tonggobii tua bo nodapot in Hebron kon tungkuḷ in modiugdon mobayag.

SAMUEL 2 2:32 Referans Kwoze

AMSAL 22:29

Nokoimontandon degá iko in nokoontong kon intau inta mopandoi nogaid kon oaidannea? Intau tatua in pokiaidanbí kon komaḻig in datu mita, deemanbí kon baḷoi in intau biasa.

TAWARIKH 2 21:1

Ki Yosapat in minatoi bo iḷobong kon poḷoḷobongan kon Kotá i Daud. KI Yehoram ki adínea ḷoḷaki in nobaḻí datu nomaḷui kon inia.

TAWARIKH 2 16:14

Mayatnea in pinakéan in toyokayu nongkon pododungú mita bo inta mongo bo mongobondu, bo iḷobong kon poḷoḷobongan kon datu kon Kotá i Daud. Bo saḷaku horomat kon inia rayat nonontuḷúdon noḷoben totok.

SAMUEL 2 5:1

Nopaḷut mako kon tua namangoidon in bayongan itoi in suku mita in Israel kon i Daud kon Hebron bo noguman kon inia, “Kami naa in uputpabí in kompong i Tuang.

SAMUEL 1 17:58

Bo ki Saul in noḻibó kon inia, “Uḻe intau inta mobagupa! Ki adí i ine in iko nion?” Ki Daud in notubag, “Bobantung naa in ki adí i Isai nongkon Betlehem.”

KINOBAḺIAN 47:29

Naonda in nodiugdon wakutunea matoi, inoinínea in ki Yusup, ki adínea tua, bodongka noguman kon inia, “Poukatdon in ḻimamu kon sigad in páaku doyowa naa bo pongibotdon kon iko in diábí moḷobong kon inakó kon butá in Mesir tanaa.

KINOBAḺIAN 47:30

Ibogonku in ḷobongonbí in akuoi kon tampat inta pinoḷobongan kon mogoguyangku; diádon in mayatku nongkon butá tanaa bo ḷobongdon kon tampat poḷoḷobongan kon i monia.” Bo ki Yusup notubag, “Aidankubí onu inta pinoguman i amá tatua.”

HAKIM MITA 8:32

Naonda in nogoguyangdon totok bain tua bo minatoi in ki Gideon ki adí i Yoas. Sia iḷobong kon pinoḷobongan kon i Yoas, ki amánea. Pinoḷobongan tatua in noiukat kon Opra, inta kotá in inanakan i Abiezer.

SAMUEL 2 2:31

Intau mita i Daud ain nokoḻimod kon 360 in tontara i Abner nongkon suku in Benyamin.