SAMUEL 2 2:28 - Alkitab Singog In Mongondow Masa In Tanaa

²⁸ Bo nogirupdon in ki Yoab kon torompet nobaḻí tompoingat kon intaunea mita sinbá mogogaidon in mogaḷow kon intau in Israel, dá noobotdon in parang tatua.

SAMUEL 2 2:28 Referans Kwoze

SAMUEL 2 2:27

Ki Yoab in notubag, “Podoyon kon tangoi i Allah inta nobiag, aka kuma bo iko in diá muna nopoyaput in tosingogon, yo notantú bidon kon intauku mita in umuranbí mogaḷow kon i monimu modapot in ikoḷom doḷo-doḷom.”

SAMUEL 2 3:1

Parang kon sigad in intau mita inta moibog kon motoḷuadí i Saul bo intau mita inta moibog kon i Daud tantúpa doman mobaḻí. Ki Daud in kodugang-kodugangdon in ropotnea, bo musungnea in koyangkó-koyangkódon.

SAMUEL 2 18:16

Ki Yoab nogirup kon torompet dá intaunea mita in nogogaidon in nogaḷow kon tontara in Israel.

SAMUEL 1 13:3

Onda intua ki Yonatan nonaḷow kon itoi in tontara in Pilistin inta kon Geba, bo kinodongogandon in bangusa Pilistin intua. Bo ki Saul nogirup in torompet kon bayongan in butá tatua sin mogoiní kon intau mita in Ibrani mayá moparang.

SAMUEL 2 20:22

Bo minayádon in sia takin mokaḻet nopotaau in makusudnea kon intau inta nogutun kon kotá tatua. Nopaḷut mako kon tua uḷu i Seba pinongkó bo pinogambat kon i Yoab. Onda intua nogirup in ki Yoab kon torompet bo intaunea mita in nonaḷámaidon kon kotá tatua bo nobuidon kon baḷoinea-baḷoinea. Ki Yoab in nobuidon kon Yerusalem bo minayá kon tayowon i datu.