SAMUEL 2 18:27 - Alkitab Singog In Mongondow Masa In Tanaa

²⁷ Moḷoḷukad tatua in noguman, “Intau inta muna tatua in ki Ahimaas. Kinotaauanku nongkon pororibatuknea.” “Sia in intau mopia,” guman i datu, “tantú nodiabí in sia kon habar mopia.”

SAMUEL 2 18:27 Referans Kwoze

DATU MITA 2 9:20

Moḷoḷukad kon ḷangkeang tatua in nopotaau doman bui kon totabá tatua in noyaput domandon kon paanan tatua táe diábí nobui mangoi. Bo bui in sia noguman, “Degá itoi in paanan tatua in ki Yehu, sin sinumakoi in sia kon kereta in parangnea naonda bo intau nobundai.”

DATU MITA IMITÁNEA 1:42

Diápa nopaḷut in ki Yoab nosingog, indoianmai daḻídon namangoi in ki Yonatan adí i Imang Abyatar, “Igai tumuot,” guman i Adonia. “Iko nion intau mopia, dá notantúbí kon inta diniamu nion in habarbí inta mopia doman.”

SURAT I PAULUS KON JAMAAT RUM 10:15

Bo naondabí intau mayá mopotaau in habar tatua, aka mosia in diá potabá? Ain doman pinais kon Buk Motusi nanaa, “Mopiadon totok in koangoian in intau mita inta nodia kon Habar Mopia nongkon i Allah!”

YESAYA 52:7

Totuu mosanang in mokoontong kon koangoian in totabá, Sia in mayá mongin buḷud bo modia kon habar mopia habar kobiagan mopia, habar kasaḷamatan kon Sion, kainia, “Allahmu in Datu!”

AMSAL 25:25

Motarima kon habar inta mopia nongkon ḻipú inta moyayú in naonda bo monginum kon tubig moonow kon dodai in morogang.

AMSAL 25:13

Totabá inta motoindudui in mokosanang kon intau inta nopotabá, naonda bo tubig moonow kon mororatab kon gobá in tudunea.

SAMUEL 2 18:26

moḷoḷukad tatua nokoontong kon oyúonpa doman in intau tobatú in namangoi sindaḷan doman moribatuk. Dá nomaḷú bui in sia, “Indoiai! Oyúonpa doman in intau ibanea inta noribatuk doman tontaní.” Ki datu in notubag, “Tantú nodiabí doman in sia kon habar inta mopia.”