SAMUEL 2 18:14 - Alkitab Singog In Mongondow Masa In Tanaa

¹⁴ “Natuapa! Modaitdon in kasampatan tongá mobobayowan takinmu,” guman i Yoab. Bo ki Yoab nogamá kon pandong toḷu bo pinotakuḷnea kon dodob i Absalom inta nobiagpa bo noitadang mako kon tanga in kayu.

SAMUEL 2 18:14 Referans Kwoze

TESALONIKA 1 5:3

Aka intau bo moguman nanaa: “Komintanpabí noaman, diábí in onu bo onu,” dá kon dodai doman tuata kotubuan in onu inta mokoputú kon i monia bo diá tobatúmai in mokoḷagui in mosia. Tua mita in daḻíbí moiangoi naonda bo nakit in mononggadí inta moiuma bobay tobatú inta mononggadí.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MAZMUR 45:5

Bayádon takin torindog momatuk kon inta mokountung moḷongasi kon inta mobanar bo moadil inta moḷukó; podoyon kon ropotmu batukdon in kountungan inta moḷoben!

SAMUEL 2 18:5

Bo nomarenta in ki datu kon i Yoab, kon i Abisai bo kon i Itai, kainia, “Dika tompaḻían monimu in ki Absalom tayowmobiag tatua sin monorop kon inakó.” Bayongan in tontara nokodongogbí kon parenta tatua.

SAMUEL 2 14:30

Onda intua nogumandon in ki Absalom kon mogogaidnea mita, “Kinotaauan monimu in gobá i Yoab inta noyodiugmai in gobáku inta binunakan in makoya? Turubdon in gobá tatua.” Dá sinurub domandon monia.

HAKIM MITA 5:31

Poigumon mako in musung-Mu mita, o Tuhan, matoi ná ki Sisera, táe bayongan in yobayat-Mu in monindar naonda bo mata in singgai kon ḷangit! Nopaḷut mako kon tua, nobiagdon notompia in butá tatua opat nopuḷú notaong in koonggotnea.

HAKIM MITA 5:26

Takin kokada-kadai in patok bo popangkuḷ Ki Yael nomakú kon uḷu i Sisera dapot in norimumud.

HAKIM MITA 4:21

Ki Sisera noḷopí totok dá totokdon in sinomposiug in sia bo nosiugdon noḷoḷot totok. Ki Yael nogamá kon popangkuḷ tobatú bo patok in ḷoḷaigan tobatú bo inumado-adop in sia dinimiug kon i Sisera. Bo pinopopakúnea in patok tatua kon koibing i Sisera nodapot in noiḷambai kon butá. Natuata in pinoḷoḻimod i Yael kon i Sisera.

SAMUEL 2 12:10

Popisí in iko diá dinumudui kon i-Nakó bo ginamámu in ki buḷoi i Uria, dá kon bonu in buímu monag in oyúonbí in matoi koḻimodan.

SAMUEL 2 18:15

Onda intua intau i Yoab mopuḷú noḻibut kon inia poḷat noḻimod kon inia.

SAMUEL 2 19:1

Pinotaaudon kon i Yoab kon ki Datu Daud in nongombaḷ bo nonogumatoi kon kinopatoian i Absalom.

SAMUEL 2 19:11

Tosingogon mita tatua in noyaput domandon kon i Datu Daud. Tuamai in nopotabá in sia kon i Imang Zadok bo kon i Imang Abyatar bo noḻibó kon itoi mita in Yohuda nanaa, “Nongonu sin moiko in totokbí in tumi-tumimai motomu bo moyotakin i datu mobui kon komaḻignea?

AYUB 20:5

ḷunganga in intau moraat tongábí motoyong, bo kasanangan in intau moraat tongá tokokiap?

MAZMUR 37:35

Akuoi in nokoontongdon kon intau moraat tobatú inta moambungangaḷ; sia in naonda bo pangkoi in kayu inta mopia bo uakatnea in noikanom noonag.