SAMUEL 2 17:16 - Alkitab Singog In Mongondow Masa In Tanaa

¹⁶ Guman i Husai, “Koḷamemet! Potaaudon kon i Daud sinbá diádon in sia mogogai mosiug kon ḷoḷoḷanan in ongkag kon padang gurun. Mustibí in sia ḻimikat in mayá ḷumoḷan kon Ongkag in Yordan. Aka diá, yo sia takin tontaranea mita in rimumudon.”

SAMUEL 2 17:16 Referans Kwoze

SAMUEL 2 15:28

Bain oḷatonku kon diug in ḷoḷoḷanan mita kon ongkag kon padang gurun modapot in mokouḻí kon habar nongkon inimu.”

KORINTUS 2 5:4

Sin wakutu in kon baḷoipa ilo-ilow naa, kita tantú mogamui sin mobogat totok in roriga inta moiantug. Deemanbí igu-igumon mako kon bá matoidon in awak naton ilo-ilow naa, táe lantaranbí moibogdon mokorasa kon kobiagan inta kon soroga tua, sinbá kobiagandon in mongawasa kon awak naton inta ilo-ilow naa.

KORINTUS 1 15:54

Aka awak inta mato-matoi naa binaḷuiandon in awak inta diá mato-matoi, bo awak inta nongkon dunia naa baḷuiandon in awak inta nongkon soroga, dá kon wakutu in tatuatadon bo mobaḻí in onu inta pinais kon bonu in Buk Motusi nanaa, “Popatoi ain sinaḷow, kauntungan in nouḻídon!”

MAZMUR 57:3

Akuoi in nokuani kon i Allah Inta Totok in moḷantud, kon i Allah inta motuḷung kon inakó.

MAZMUR 56:2

Kotabipa kaasí in akuoi, o Allah, sin sinubu in akuoi, umuranbí in akuoi doroton in musungku mita.

MAZMUR 55:8

Oo ḷumayugbí in akuoi yumayú totok, bo mogutun kon padang gurun.

MAZMUR 35:25

Dika pomayá mako in mosia in mosingog kon bonu in gina, “Sukur, irabutdon naton in nyawanea. Onu in kinoibog naton kinoduduiandon!”

SAMUEL 2 15:14

Bo noguman in ki Daud kon bayongan in pogawainea inta kon Yerusalem, “Koḻigai in kita mayádon nongkon naa. Tongádon naa in daya sinbá mosaḷamat in kita nongkon i Absalom. Diádon moonggot bo mamangoi in sia. Koḻikatdon, sinbá diá kobatukannea in kita bo taḷowonnea, dá bayongan in intau kon kotá in ḻimodon!”

SAMUEL 1 20:38

Koḷamemetpa topiḻik, dika tumongaw!” Adí tatua in nopuyut kon piot tatua bodongka nobui kon i tuangnea.

SAMUEL 2 15:35

Ki Imang Zadok bo ki Abyatar in kon tua doman. Potaaudon kon i monia in bayongan in inta dongogonmu kon komaḻig.