SAMUEL 2 16:10 - Alkitab Singog In Mongondow Masa In Tanaa

¹⁰ Táe noguman in ki datu kon i Abisai bo kon i Yoab ki guya-guyangnea, “Dikadon hirauonmai. Pomayádon mako in sia mogodi-godimai kon inakó. Sin aka ki Tuhan in nopotabá kon inia, yo ki inebí in kohak moḻibó kon inia nongonu sin momiabí natua in sia?”

SAMUEL 2 16:10 Referans Kwoze

SAMUEL 2 19:22

Táe ki Daud in noguman kon i Abisai bo kon i Yoab ki guya-guyangnea, “Dika kumapog. Nongonu sin moiko in moposusabímai kon inakó? Kon singgai in naa akuoi in buidon nobaḻí datu kon Israel, bo diá bidon motaau in moḻimod kon intau in Israel.”

SURAT I PAULUS KON JAMAAT RUM 9:20

Táe, Utat! Iko in tongábí intau ilo-ilow, bo iko in diábí mokobaḻí momayow kon i Allah! Pot in bungang motaau degá in moḻibó kon intau inta nomia kon inia, “Nongonu sin inaidanmubí nanaa in akuoi?”

YOHANES 18:11

Dá ki Yesus in noguman kon i Petrus, “Tungkogdon bui kon gumánea in pitowmu nion! Degá iraimumai kon diábí inumon-Ku in palo in roriga inta inogoi i Amá kon i-Nakó?”

PETRUS 1 2:23

Wakutu in Sia sinibáan, Sia in diábí nonuḻí nonibá. Wakutu in Sia iroriga, diábí in Sia nodandi motuḻí; tua komintan in tongábí pinosarakan-Nea kon i Allah, Hakim inta totok i moadil tua.

MATIUS 16:23

Ki Yesus nobobui bo nosingog kon inia, “Bayádon iko, Ibilis! Sin iko in umuran moḷamboi kon i-Nakó, iko in deemanbí momikir kon onu inta pinikir i Allah, táe tongábí momikir kon inta popikiron in intau!”

DANIEL 4:35

Bangusa mita kon dunia diá in mangaḻenea. Ki Allah in nongawasa kon malaekat kon soroga bo intau kon dunia. Diá tobatúmai intau in mokoḻimpat kon ibog-Nea, diábí in mokobaḻí moḻibó mongo onu in pomiaan-Nea.”

SAMUEL 2 3:39

Umpakabí akuoi naa in datu moḷoben inta piniḻí i Allah, táe korasaanku in tanaa kon moyangkóbí. Ki adí mita i Zeruya tua in moiḻiudon in romú. Diá in akuoi mokotongod in mongawasa kon i monia. Igumon mako ki Tuhan in mohukum kon intau mita moraat tatua, podudui kon oaid monia!”

KINOBAḺIAN 50:20

Moiko ain noyopakat sin mogaid kon inta moraat kon inakó, táe ki Allah ain nomaḷui kon inta moraat tua nobaḻí kopiaan, sinbá pinongin onu inta ain nobaḻí koḻipod tua mobayong intau inta nobiag masai naa in motaau posaḷamaton.

MOHOHUTUBA 8:4

Datu mopomaké in kawasa nea; diábí in mokobaḻí momayow kon inia!

AYUB 9:12

Aka Sia in mogagow, yo ki ine in mokobaḻí mogimaḷow kon i-Nia? andeka mokobaḻí moḻibó kon i-Nia, ‘Ei, onu in aidan-Mu?’

DATU MITA 2 18:25

Kai monimu kamai kami naa in monubu bo monaḷow kon butámu in diábí in totuḷung i Tuhan? Ki Tuhanbí tontaní in nopotabá kon inami monubu bo morimumud kon tua!”

DATU MITA IMITÁNEA 2:5

Tobatúpa doman! Kinotoropanmupabí in onu inta ain inaidan i Yoab kon inakó takin noḻimod kon porwira in Israel doyowa, ki Abner adí i Ner bo ki Amasa adí i Yeter. Sia in noḻimod kon i monia kon dodai in diá noparang sin motuḻí kon pinoḻimodan monia kon dodai in parang. Sia in noḻimod kon intau inta diá kotaḷá táe tanaa in akuoidon in musti mobaba kon oaidnea bo akuoidon in mororiga.

MATIUS 8:29

Taya dua nomaḷú noropot, kai monia “Onuon-Mu in kami naa, ei Adí i Allah? Iko mamangoi degá mopoyoyiga kon inami umpaka deemanpa wakutunea?”

DATU MITA IMITÁNEA 17:18

Bo boba-bobay tatua in noguman kon i Elia, “Mogogundoi i Allah, nongonu popoaidbí i Amá in tanaa kon inakó? Degá namangoi in ki Amá sinbá kotoropan i Allah in dosaku, noiyaput in matoi in ki adíku?”

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

SAMUEL 1 26:19

Tuang datu, indongogaidon in sumba in bobantung naa. Aka kuma ki Tuhan in nopotabá kon i Tuang datu sinbá moḷawang kon bobantung naa, yo sosumba kuruban tobatú in mokoonowbí kon torú-Nea kon bobantung naa. Táe aka inta nopotabá tua kon i Tuang datu bo intaubí, yo igumon mako mosia tua in kutukondon i Tuhan! Popisí in aid monia tatua, bobantung naa ain pinoguntun nongkon butá kapunyaan i Tuhan bo pakisadon mustibí mayá in butá ibanea bo pokisumbaan in dewa mita inta diá kinotaauanku.

SAMUEL 2 19:23

Onda intua nongibotdon in ki datu kon i Simei, “Pogumanku kon iko in diábí hukumon matoi.”

OMBAḶ 3:37

Aka oyúon in kinodoí i Tuhan, yo notantúbí kon intau in diábí mokopongonu kon tua.