SAMUEL 2 15:32 - Alkitab Singog In Mongondow Masa In Tanaa

³² Kon dodai in ki Daud nodapotdon kon tudu totok in buḷud kon tampat inta biasamai poibadaan kon i Tuhan, sinontomu in sia in yobayatnea inta mosatia, inta ki Husai intau in Arki. Ḷambung i Husai noberak bo nopoinggú in ḷobud.

SAMUEL 2 15:32 Referans Kwoze

YOSUA 16:2

Nongkon Betel, botok tatua in pinomoḷat ná Lus, pinongin Atarot, inta tampat pinogutunan in intau in Arki.

SAMUEL 2 1:2

Kon singgai nogintoḷu, namangoidon in tayowmobiag tobatú nongkon pinononḷoḷaigan i Saul. Nobaḻí tomponuot kon pinonogumatoian sia in nomerakdon kon pakeangnea bo nopotoguḷudon in butá in sia. Minayá in sia kon i Daud bo sinumungkud kon tayowonnea.

LUKAS 19:29

Naonda in nodiugdon kon Betpage bo Betania kon Buḷud in Zaitun, Sia in nopotabá kon murí-Nea doyowa mayá umuna takin koyow nanaa,

MAZMUR 91:15

Aka sia bo mokuani kon i-Nakó, Tubagan-Kubí. Kon tungkuḷ in koantugan in susa, tuḷungan-Kubí in sia; sia in popaḷuputon-Kubí bo ogoian-Ku in kahoromatan.

MAZMUR 50:15

Pokuanidon kon i-Nakó kon dodai in koantugan in bodito, Poḷuaton-Kubí in moiko, bo moiko in modayowbí kon i-Nakó.”

MAZMUR 3:7

Diábí in akuoi moondok kon ribuan in musung inta mongopung kon inakó nongkon bayongan tampat.

DATU MITA IMITÁNEA 11:7

Kon tudu in buḷud kon dotá in pomukaan kon Yerusalem, noposindog in sia in tampat posumbaan kon i Kamos, dewa in intau Moab, bo kon i Molokh, dewa in intau Amon – doyowa tatua tumpaḷa dewa inta mokorongó.

SAMUEL 2 15:30

Nopaḷut mako kon tua ki Daud in noḷongkut kon sapatunea. Sia takin bayongan in dumoduduinea notakod kon Buḷud in Zaitun sindaḷan mongombaḷ poḷat nongoḷubung saḷaku tomponuot in monogumatoi.

SAMUEL 2 13:19

Bo nopoinggú in ki Tamar in ḷobud kon uḷunea, nomerak kon jubahnea, bo minayá takin nopogoḻingoi in ḻimanea kon pogotnea bo sindaḷan nongombaḷ totok.

SAMUEL 1 4:12

Intau tobatú nongkon suku Benyamin noḷagui nongkon tampat pinoparangan kon Silo, bo noidapot intua kon singgaipa doman tatua. Nobaḻí tomponuot kon nonogumatoi, binerakneadon in pakeangnea bo nopongipúdon in sia in butá kon uḷu.

SAMUEL 2 16:1

Naonda in ki Daud bagupa noitaḻib kon tudu in buḷud, daḻídon noiangoi in ki Ziba ata i Mepiboset, namangoi nokipodungkuḷ kon inia kodia-dia in keledai doyowa inta dinatogan in roti doyowa nogatut nobatú, mogatut in kukis kismis, mogatut nobogot in bungai in ayop inta bagupa sinipú bo tobotutu in tubig in anggur.

SAMUEL 2 17:5

Umpaka natua ki Absalom in noguman, “Oinípa in ki Husai; igai indongoganpa naton in tosingogonnea.”

TAWARIKH 1 27:33

Ki Ahitopel in monononggina i datu, bo ki Husai intau in Arki, in monononggina bo yobayat modagin i datu.

SAMUEL 2 16:15

Kon dodai intua ki Absalom bo bayongan intau in Israel inta sinumakin kon inia sinumuotdon in kotá in Yerusalem, bo ki Ahitopel in sinumakin doman.