SAMUEL 2 15:26 - Alkitab Singog In Mongondow Masa In Tanaa

²⁶ Táe aka doídon in ki Tuhan kon inakó, dá taaudon kon i-Nia onu in popoaid-Nea kon inakó!”

SAMUEL 2 15:26 Referans Kwoze

SAMUEL 1 3:18

Dá pinotaaudon komintan i Samuel kon i Eli intua. Diábí tobatúmai in binuninea. Onda intua ki Eli nogumandon, “Sia in ki Tuhan, pomayádon mako in Sia mogaid kon onu inta inanggap-Nea mopia.”

DATU MITA IMITÁNEA 10:9

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu in Israel, pinoniata i Tuhan kon totuu mopia in gina-Nea kon i Tuang. Diá modai-dait in tabi-Nea kon bangusa in Israel; tuamai in Sia noduí kon i Tuang nobaḻí datu monia sinbá ki Tuang motaau moposindog in hukum bo koadilan.”

SAMUEL 2 22:20

Sia in nopoḷuat kon inakó nongkon roriga bo pinosaḷamat-Nea in akuoi sin kinoibog-Nea in akuoi.

YESAYA 62:4

Tangoimu in deeman bidon ‘Inta Sinaḷáan’, butámu deeman bidon ‘Inta Noingongow’. Iko in tangoion bidon, ‘Inta Kinotabi i Allah’, bo butámu in sinangoian, ‘Inta Ain Nonika,’ sin ki Tuhan in noibogdon kon inimu, Sia in nádon buḷoi ḷoḷaki kon butámu.

TAWARIKH 2 9:8

Dinayo-dayowdon in ki Tuhan, Allah i Tuang! Inta ain noduí kon i Tuang nobaḻí datu sin momarenta pinodoyon kon tangoi-Nea, pinoontong-Nea kon totuu mosanang in gina-Nea kon i Tuang. Popisí in motabi in Sia kon umat in Israel bo ibogon-Nea sinbá mosia in umuran oyúon, dá dinuí-Nea in ki Tuang nobaḻí datu monia, sinbá ki Tuang in motaau mopobayá in hukum bo koadilan.”

PINOGIAPAN 14:8

Aka kinoibog i Tuhan in kita, dá diaan-Neabí in kita mayá intua bo ogoi-Nea kon i naton in butá inta nooyúon bo inta mopia totok tatua.

YEREMIA 32:41

Mopiabí in gina-Ku in mopoaid kon inta mopia kon i monia, bo mopobaḻí kon i monia mogutun motantú kon butá tanaa modapot in mononoi.

YEREMIA 22:28

Akuoi ki Yeremia in noguman, “Degá ki Datu Yoyakhin in nobaḻídon naonda bo kuyon noḷosi inta iḷumbú bo kinodoídon? Tua degá in mangaḻenea kon sia bo ki adínea mita in untunon bo ḷumbúon kon butá inta diá kinotaauan monia?”

YESAYA 42:1

Guman i Tuhan, “Naa in mogogundoi-Ku inta binaba-Ku, intau inta piniḻí-Ku inta mokosanang kon gina-Ku. Akuoi ain nobogoi in kawasa-Ku kon inia, sin modia kon koadilan kon batúan in bangusa.

MAZMUR 39:9

Poḷuatdon in akuoi nongkon bayongan in dosaku, dika pomayá mako in akuoi tororebeg in intau dondunguḷ.

HAKIM MITA 10:15

Táe umat in Israel noguman kon i Tuhan, “Kami naa in binaradosadon, Tuhan. Aidaidon onu kabí in koibog-Mu aidan, asaḷ bo Iko Tuhan moibogpa motuḷung kon inami singgai in naa.”

SAMUEL 2 11:27

Onda intua naonda in nopaḷutdon in pinonogumatoian tatua, binayá pinoki gamá i Daud in bobay tatua bo dinia mangoi in komaḻig bo binaḻídon i Daud ki buḷoinea in sia. Tongonumai nobuḷan noiduduimai, nopononggadí in sia in adí ḷoḷaki tobatú. Táe kinodoíbí i Tuhan in aid i Daud tatua.

TAWARIKH 1 21:7

Kinodoíbí i Allah in pinogiapan tatua bo ihukum-Nea in intau in Israel.

YOSUA 9:25

Tanaa kami in kon bonudon in kawasa i Tuang. Pomiadon kon inami onu inta koibog i Tuang popoaid.”

SAMUEL 2 10:12

Mokoporoton kon gina! Koḻigai kita mokopobarani in moḷongasi sin kopontingan in bangusa naton bo kopontingan in kotá mita i Allah naton. Igumon mako ki Allah in mogaid kon onu in koibog-Nea.”

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”