SAMUEL 2 15:12 - Alkitab Singog In Mongondow Masa In Tanaa

¹² Bo koyogot in ki Absalom noposumba in kuruban, sia in nopotabá doman in totabá kon kotá in Gilo sin mogoiní kon i Ahitopel, inta monononggina tobatú i Datu Daud. Natuata in komplotan moḷawang kon i datu tatua kodugang-kodugangdon in koropotnea, bo kodugang-kodugang domandon in kobayong in dumodudui i Absalom.

SAMUEL 2 15:12 Referans Kwoze

MAZMUR 41:9

Guman monia, “Takitnea in mobogatdon totok, diábí doman inta mobangonpa bui in sia.”

SAMUEL 2 15:31

Naonda in pinotaaudon kon i Daud kon ki Ahitopel in sinumakin doman kon komplotan i Absalom, nosambayangdon in ki Daud nanaa, “Oo, Tuhan, poigumon mako poyayúon-Mudon in tonggina i Ahitopel!”

SAMUEL 2 17:23

Naonda in kinotaauan i Ahitopel kon tongginanea in diá dinuduian, sia nopopakédon in ḷoḻitúan kon keledainea bo nobui kon kotánea tontaní. Naonda in noginḷapat mako kon bayongan in oaidannea ginumantongdon in sia, bo iḷobong kon bonu in poḷoḷobongan kon inanakannea.

SAMUEL 2 17:14

Nokodongogmai kon tua in ki Absalom bo bayongan intau in Israel yo noguman in mosia, “Tonggina i Husai in mopia-pia in tonggina i Ahitopel.” Totuu, ki Tuhan ain nonantú kon mogindiá kon tonggina i Ahitopel inta mopia tatua, sinbá ki Absalom in kotugatandon in bodito.

TITUS 1:16

Mosia in mongaku kon nonotaaudon kon i Allah, táe oaid monia in diábí noidudui kon inta kinoibog i Allah. Oaid monia tua mokorongó bo diá doman motoindudui; mosia tua in intaubí mita inta diádon mokomampu mogaid kon inta mopia.

YOHANES 13:18

Onu in pinoguman-Ku naa in deemanbí soaḷ moiko komintan. Kotaauan-Kubí ki ine inta ain piniḻí-Ku, táe bá mobaḻídon onu inta pinais kon bonu in Buk Motusi nanaa, ‘Intau inta ain nongaan noyotakin-Ku, in moḷawangbí kon i-Nakó.’

AMSAL 21:27

Ki Tuhan in doíbí kon sosumba in intau inta moraat, apa doman aka pinosumba pinongin makusud inta mokooyá.

TAWARIKH 1 27:33

Ki Ahitopel in monononggina i datu, bo ki Husai intau in Arki, in monononggina bo yobayat modagin i datu.

DATU MITA IMITÁNEA 21:12

Mosia in nopobaḷú sinbá rayat in mopuasa. Onda intua nopotabá in mosia kon intau mita noyosipun bo ki Nabot in pinoki ḻitúan kon ḷoḻitúan in intau moḷoben.

DATU MITA IMITÁNEA 21:9

Naa in bonu in surat tatua, “Pobaḷúdon kon bá mopuasapa in rayat bo pokiposipunaidon in mosia! Kon pinoyodungkuḷan tatua ogoiaidon in ki Nabot in ḷoḻitúan in intau moḷoben.

PINOGIAPAN 23:30

Inaidan doman i Balak in onu inta pinoguman i Bileam. Sia nopokuruban in sapi koḷakian tobatú bo domba doman koḷakian tobatú kon batúan in mezbah tatua.

PINOGIAPAN 23:14

Dá ki Balak nodia kon i Bileam minayá in padang Zopim, kon tudu in Buḷud Pisga. Kon tua in sia noposindog doman in mezbah pitu bo noposumba doman in sapi koḷakian tobatú bo domba koḷakian doman tobatú kon batúan in mezbah tatua.

PINOGIAPAN 23:1

Guman i Bileam kon i Balak, “Posindogdon kon naa in mezbah pitu sin pakéonku, bo sadia doman in sapi koḷakian pitu bo domba koḷakian pitu doman.”

SAMUEL 2 16:15

Kon dodai intua ki Absalom bo bayongan intau in Israel inta sinumakin kon inia sinumuotdon in kotá in Yerusalem, bo ki Ahitopel in sinumakin doman.

MAZMUR 41:10

Nodapot in yobayat inta totok in pinirisayaku, intau inta nongaan noyotakinku, ain noningkuḻe kon inakó.

AMSAL 15:8

Ki Tuhan in motarima kon sambayang in intau mopia, táe doíbí in Sia kon sosumba in intau moraat.

YEREMIA 6:20

Onubí in mangaḻenea in kamania inta dinia monia kon i-Nakó nongkon Syeba, andeka toyokayu nongkon butá moyayú? Doíbí in Akuoi in motarima kon sosumba monia. Doíbí in Akuoi kon kuruban mita payongon monia.