SAMUEL 2 14:25 - Alkitab Singog In Mongondow Masa In Tanaa

²⁵ Ki Absalom pinuji saḷaku intau inta totok in mogaga kon bayongan in Israel. Diábí in poḻiu kon kogaganea. Pinangkoi kon paḷad in sioḷnea nodapot kon ubung in buok diábí in bogitnea.

SAMUEL 2 14:25 Referans Kwoze

YESAYA 1:6

Nongkon uḷu nodapot kon paḷad in sioḷ diádon in nopia in kon awakmu. Moiko in nopuḻingdon in bobagá mita, inumuḷo-uḷow bo paḻí mita. Paḻímu mita tatua in diápa dinaritan andeka binakut, diá doman inundaman in ḷana.

AYUB 2:7

Dá Ibilis in minayádon nongkon tayowon i Tuhan, bo nopomuká in bituḷ mita kon bayongan in awak i Ayub pinangkoi kon paḷad in sioḷ noidapot kon tudu in uḷu.

ULANGAN 28:35

Ki Tuhan in mopomukádon in kekeb mita inta monakit bo inta diádon mopia; nongkon sioḷ modapot in uḷu monimu mopuḻingdon in bituḷ mita.

EPESUS 5:27

Mangaḻenea kon tua, ki Kristus in noposadia in jamaat kinotompia kon tayowon i Allah, takin diá in gaatnea andeka inta motaau hojatan in intau ibanea.

MATIUS 23:27

Koboditodon in moiko, ei mototundú mita kon agama in Yahudi bo intau mita in Parisi! Ei intau mita inta mongomunapik! Moiko in naonda bo poḷoḷobongan inta cinet nobudó; kon dotá in ḷuainea ontongan mopira bo modarit, táe kon bonunea nopuḻing in tuḷan bo noyagi-yagimai in kotoran.

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

SAMUEL 1 16:7

Táe ki Tuhan noguman kon i Samuel, “Dikabí in iko koakaḷan in pogotnea inta moḷunat bo awaknea inta moḷantud; deemanbí sia in kinoibog-Ku. Deemanbí ná poyoyindoi in intau in poyoyindoi-Ku. Intau in moindoi kon batangannea, táe akuoi in moindoibí kon ginanea.”

SAMUEL 1 9:2

Ki Kish in kogadí kon ḷoḷaki, tangoinea in ki Saul, tayowmobiag tobatú inta moḷunat bo motorindog. Diábí in tobatúmai in kon bayongan Israel in noiḻiu kon koḷunatnea. Awaknea doman in moḷantu-ḷantud komintan; bayongan in intau in Israel tongá modapot in obaganea in koḷantud monia.

DANIEL 1:4

Mosia in mustibí tayowmobiag inta diá in bogit. Musti moḷunat, norosikoḷa moḷantud, mopandoi bo mobarong in kotaauan monia bo patus mopobayá in oaidan kon bonu in komaḻig. Ki Aspenas in mustibí motundú kon i monia mobaca bo momais kon bonu in singog in Babel.