SAMUEL 2 14:22 - Alkitab Singog In Mongondow Masa In Tanaa

²² Ki Yoab in sinumungkud kon tayowon i Daud, bo noguman, “Igumon mako ki Allah in momarakat kon i Tuang datu! Tanaa in kinotaauandon in bobantung kon ki Tuang in moibogdon kon inakó sin ki Tuang in noibogdon nokidogog kon onu in pinoigum in bobantung naa.”

SAMUEL 2 14:22 Referans Kwoze

AMSAL 31:28

Sia in ihoromat i adínea mita, bo dinayow i buḷoinea.

AYUB 31:20

dá ogoianku in sia in ḷambung nongkon bubuḷ in dombaku tontaní, dá takin gina motuḻid dayowonnea in akuoi.

AYUB 29:11

Ki ineka yo moitongaubí in mokodongog kon soaḷ akuoi; ki ine in mokoontong kon inakó, modayow kon aidku.

NEHEMIA 11:2

Kon sigad monia oyúonbí in takin ḻimbatú in gina mogutun motantú kon Yerusalem bo mosia in dinayow in rayat.

SAMUEL 2 19:39

Onda intua ki Daud bo bayongan in intaunea iḷumoḷandon kon Ongkag in Yordan. Bo ki Daud in nongayok kon i Barzilai bo nogumandon kon mayá, onda intua ki Barzilai in nobuidon kon baḷoinea.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

RUT 2:2

Kon singgai tobatú ki Rut noguman kon i Naomi, “Iná, ogoipa in akuoi mayá in gobá mopuyut kon gandum inta degá nopipik ande kinotaḷáan in mokokoyut mita. Rasaanku in oyúonbí in intau motabi bo mopomayá mako kon inakó mopuyut kon tua.” “Mopia, uḻe!” tubag i Naomi, “bayádon!”

KINOBAḺIAN 6:8

Táe kobobiag i Nuh in nokosanang kon gina i Tuhan.

KINOBAḺIAN 47:7

Ki Yusup nodia doman kon i amánea kon tayowon i datu sinbá kotaauan domandon i datu. Ki Yakub nomarakat kon i datu,

SAMUEL 2 14:21

Nopaḷut mako kon tua ki datu nogoiní kon i Yoab bo noguman kon inia, “Onu in koibogmu tua in duduiankudon. Bayádon tomu in ki Absalom bo diádon mangoi kon naa in sia.”

SAMUEL 2 14:23

Bo minayádon in ki Yoab kon Gesur sin mogamá kon i Absalom mobui kon Yerusalem.

SAMUEL 2 14:4

Bo bobay tatua minayádon kon tayowon i datu, bo sinumungkud nosumba poḷat noguman, “Tuangku Inta Momulia, tuḷungaipa in bobantung!”