SAMUEL 2 13:39 - Alkitab Singog In Mongondow Masa In Tanaa

³⁹ táe naonda in diádon nokuyang in gina i Daud, totokdon in nokotanob in sia kon i Absalom.

SAMUEL 2 13:39 Referans Kwoze

KINOBAḺIAN 24:67

Nopaḷut mako kon tua ki Ishak nodia kon i Ribka sinumuot kon ḷoḷaigan i Sara, ki inánea, bo sinonibuḷoineadon in ki Ribka. Ki Ishak motabi totok kon i Ribka; dá noḻipoidon in susa i Ishak popisí in kinopatoiandon i inánea.

KINOBAḺIAN 38:12

Diá noonggot kon tua ki buḷoi Yohuda minatoi. Naonda in nopaḷut mako pinonusaan, ki Yohuda nonongganut kon i Hira, yobayatnea nongkon Adulam tua, minayá in Timna, tampat pinonggonsingan kon bubuḷ in dombanea mita.

KINOBAḺIAN 37:35

Bayongan i adínea, ḷoḷaki bo bobay namangoi nohibur bo nodondouḷug kon inia, táe sia in doí dondouḷugan, Gumannea, “Modapot in matoi umurankubí ombaḷan in sia.” Natuata in nobaḻí, ki Yakub umuran nongombaḷ sin ki Yusup ki adínea tatua.

PILIPI 2:26

Mokotanobdon totok in sia kon i monimu komintan, bo moajar domandon totok in ginanea sin kinotaauandon monimu kon notakit in sia.

MAZMUR 119:20

Monakit in ginaku in monahang kon tanob, akuoi in moibog monotaau kon hukum-Mu pomuḷoi mako.

MAZMUR 84:2

Totuu mokosanang in tampat pogogutunan-Mu, o Allah Inta Totok in mokawasa!

ULANGAN 28:32

Kon tayowon matamu adímu mita in ogoi mobaḻí ata kon intau ango-angoi. Pomuḷoi in singgai matamu mopomporí in motayak kon i adímu mita, táe diábí in mangaḻenea, sin mosia in diábí mobui mangoi.

KINOBAḺIAN 31:30

Kinotaauankubí kon iko nobuat tatua popisí in iko moibogdon totok mobui. Nongonu sin iko nonakowbí kon patong moḷoḷukad kon i motoḷuadíku?”

SAMUEL 2 14:1

Kinotaauan i Yoab kon mokotanobdon totok in ki Datu Daud kon i Absalom,