SAMUEL 2 13:21 - Alkitab Singog In Mongondow Masa In Tanaa

²¹ Kinodongogandon i Datu Daud onu in nobaḻí tatua, bo sinumorúdon totok in sia.

SAMUEL 2 13:21 Referans Kwoze

KINOBAḺIAN 34:7

Tongkaná intua ki adí mita i Yakub nobuidon nongkon tampat pinopokaanan monia in bobiagon. Nokodongogmai kon onu in nobaḻí tatua, mosia in noitaḻikokog bo totok in sinumorú. Sin aid i Sikhem natua kon i adí i Yakub notongkai in mosia nokopooyámaidon kon bayongan intau Israel.

MAZMUR 101:8

Pomuḷoi in singgai yopúonku in intau mita moraat kon butá tanaa. Komintan intau inta mogaid kon moraat in inggamáankubí kon kotá i Tuhan.

SAMUEL 2 12:10

Popisí in iko diá dinumudui kon i-Nakó bo ginamámu in ki buḷoi i Uria, dá kon bonu in buímu monag in oyúonbí in matoi koḻimodan.

SAMUEL 2 12:5

Nokodongogmai kon tua in ki Daud sinumorúdon totok sin aid in intau nooyúon tatua bo poḷat in sia noguman, “Totokbí in moraat in intau nooyúon tatua! Podoyon kon tangoi i Tuhan inta nobiag, intau tatua in mustibí monoḻiu kon ki adí in domba koopat noguntuḷ in kobayongnea bo sia in mustibí hukumon matoi!”

SAMUEL 1 2:29

Dá, nongonu sin iko in tumurápabí in mokoontong kon kuruban mita inta pinodudui kon parenta-Ku, pinosumba in bangusa-Ku kon i-Nakó? Nongonu Eli, sin ki adímubí mita in poḻiuonmu horomaton nongkon i-Nakó, bo pomayámudon mako in mosia mopoḷongó in awak monia takin tonsilai inta totok in mopia nongkon bayongan in sosumba in bangusa-Ku kon i-Nakó?

SAMUEL 2 13:20

Naonda in inontong i Absalom, noḻibó in sia, “Eta ki Amnon nopoyagi-yagimaidon kon inimu? Natuadon ai-aiku, dikadon raionmai bui. Sia tua in ki guya-guyangmubí, dá dikadon oumanon kon i ineka.” Bo ki Tamar in minayádon nogadop kon baḷoi i Absalom, bo totokdon moajar in ginanea bo moingongowdon.

SAMUEL 2 13:22

Sinagú totok i Absalom kon gina in yaat in ginanea kon i Amnon bo doídon in sia mongonguman takinnea popisí in sia ain nodomok kon i Tamar inta ki ai-ainea.

KINOBAḺIAN 35:22

Kon tungkuḷ in mosia kon tampatpa tatua ki Ruben nosiugdon noyotakin i Bilha, ki buḷoi amánea inta bobantung tatua. Soaḷ tatua kinodongogan i Yakub, bo sia in totok sinumorú. Ki Yakub kogadí kon ḷoḷaki mopuḷú bodoyowá.