SAMUEL 2 13:19 - Alkitab Singog In Mongondow Masa In Tanaa

¹⁹ Bo nopoinggú in ki Tamar in ḷobud kon uḷunea, nomerak kon jubahnea, bo minayá takin nopogoḻingoi in ḻimanea kon pogotnea bo sindaḷan nongombaḷ totok.

SAMUEL 2 13:19 Referans Kwoze

YEREMIA 2:37

Moiko in monaḷábímai kon Mesir takin kudai bo mooyá. Akuoi, ki Tuhan, ain nondoí kon i monia inta pongata-ngata monimu; moiko in diábí mokouḻí kon kauntungan onu bo onu nongkon i monia.”

YOSUA 7:6

Noajar totok in gina i Yosua bo gina in itoi mita in umat Israel dá mosia nomera-merakdon kon pakeang monia, bo kino ouputdon in singgai dapot in doḷom mosia sinumungkud kon tayowon in Poti Dodandian i Tuhan poḷat nopoinggú in ḷobud kon uḷu monia nobaḻí tompoingat kon noajar totok in gina monia.

SAMUEL 2 1:11

Nokodongogmai kon tua in ki Daud, nomerak in sia kon ḷambungnea sin pinongoibú, bo bayongan in intaunea nomia domandon natua.

SAMUEL 2 1:2

Kon singgai nogintoḷu, namangoidon in tayowmobiag tobatú nongkon pinononḷoḷaigan i Saul. Nobaḻí tomponuot kon pinonogumatoian sia in nomerakdon kon pakeangnea bo nopotoguḷudon in butá in sia. Minayá in sia kon i Daud bo sinumungkud kon tayowonnea.

AYUB 42:6

Tuamai in mooyá in akuoi monorop kon bayongan in tosingogonku bo takin momanasaḷ akuoi in ḻimitú kon butá bo ḷobud.”

AYUB 2:12

Táe naonda in inontong monia nongkon noyayú, gogió bo diádon kinotaauan monia. Mosia in nongombaḷ noropot bo nomerak kon ḷambung monia poḷat noponabud in ḷobud kon toḷungayá bo kon uḷu.

ESTER 4:1

Naonda in kinodongogandon i Mordekhai onu inta nobaḻí, nomerak in sia kon ḷambungnea bo nogibintoḷ nobaḻí tomponuot kon morobonod in gina. Sia in nopoinggú in ḷobud kon uḷunea, bo nodondaḷoi kon kotá poḷat nongombaḷ moropot takin robonoḷ in dodob.

SAMUEL 1 4:12

Intau tobatú nongkon suku Benyamin noḷagui nongkon tampat pinoparangan kon Silo, bo noidapot intua kon singgaipa doman tatua. Nobaḻí tomponuot kon nonogumatoi, binerakneadon in pakeangnea bo nopongipúdon in sia in butá kon uḷu.

KINOBAḺIAN 37:29

Naonda in ki Ruben minayádon bui in parigí tatua bo diádon inontongnea in ki Yusup kon tua, binerakneadon in ḷambungnea, sin norobonoḷ in ginanea.

SAMUEL 2 13:20

Naonda in inontong i Absalom, noḻibó in sia, “Eta ki Amnon nopoyagi-yagimaidon kon inimu? Natuadon ai-aiku, dikadon raionmai bui. Sia tua in ki guya-guyangmubí, dá dikadon oumanon kon i ineka.” Bo ki Tamar in minayádon nogadop kon baḷoi i Absalom, bo totokdon moajar in ginanea bo moingongowdon.