SAMUEL 2 13:13 - Alkitab Singog In Mongondow Masa In Tanaa

¹³ Aka mobaḻí intua, yo pobayákudon in onda in pogotku naa? Bo iko in singkuḻeonbí doman in intau in Israel. Mopia-piabí kon yosingogonmu takin i datu, pasti moibogbí in ki datu aka akuoi mobaḻí ki buḷoimu.”

SAMUEL 2 13:13 Referans Kwoze

HAKIM MITA 19:24

Bain ogoiku in ki buḷoinea ibanea bo ki adíku bobay kon i monimu. Motaaudon in moiko moposanang in gina monimu takin monia. Táe dika in momia kon onu inta moraat kon mokokiangoiku tatua!”

KINOBAḺIAN 20:12

Bo totuubí kon sia tua in ki ai-aikubí. Kami in toamáan, táe noyoposi kon iná, bo kami in notonibuḷoi.

KINOBAḺIAN 19:8

Ain kinotaauan monimu, kon akuoi in kogadí kon mongodeaga doyowa. Bain ogoiku in mosia kon i monimu bo aidaidon onu in kinoibog monimu aidan, táe poigumonku kon i monimu donaai rupa-rupaan monimu in mokokiangoi mita inta kon baḷoiku naa; sin hakkubí in moḷukad kon i monia.”

ULANGAN 22:21

dá bobay tatua in musti diaan kon tayowon in baḷoi in guyanganea. Kon tampat tatua ḷoḷaki mita nongkon kotá tatua musti mogandur in batu kon bobay tatua dapot in matoi. Bobay tatua ain nogaid kon inta mokooyá kon bangusa naton sin nosiugdon takin ḷoḷaki kon dodai in diápa pinobuḷoi kon dodai in sia nogutunpa kon baḷoi i amánea. Aid monimu tatua monginggamá kon aid moraat tatua.