SAMUEL 2 12:13 - Alkitab Singog In Mongondow Masa In Tanaa

¹³ Bo noguman in ki Daud kon i Natan, “Binaradosadon in akuoi kon i Tuhan.” Tubag i Natan, “Ki Tuhan in nongampungdon kon i Tuang; dá ki Tuang in diábí matoi.

SAMUEL 2 12:13 Referans Kwoze

AMSAL 28:13

Ki ine in mobuni kon dosanea diábí momujur. Ki ine in mongaku bo monaḷámaidon, kotabibí i Tuhan.

MAZMUR 51:4

Bataaidon in bayongan in aidku moraat; daritaidon in akuoi nongkon dosaku.

SAMUEL 2 24:10

Táe naonda in ki Daud nopaḷut nokiiap in bangusa tatua, irainea kon noitaḷádon in sia, bo sia noguman kon i Tuhan, “Oo Tuhan, binaradosadon totok in akuoi! Apungaidon in akuoi, sin aidku tatua in totokdon in nobodok.”

ZAKHARIA 3:4

Dá nogumandon in malaekat tatua kon mobobantung mita kon soroga, “Ḷumbúdon in ḷambung nokotor inta pinaké in intau tanaa.” Bo sia in noguman kon i Yosua, “Dosamu in iḷumbúkudon, iko in ogoiankudon in ḷambung mobagu.”

LUKAS 15:21

Táe ki adínea tatua in noguman: ‘Papa, akuoi naa aindon nomia kon taḷá kon i Tuhan bo kon i papa, tuamai akuoi diá bidon patus tangoion ki adí i papa.’

SAMUEL 1 15:30

Ki Saul notubag, “Akuoi ain binaradosa. Tongá tuḷungaipa Amá, pobuidon mangoi moyotakinku sinbá akuoi in motaau moibada kon i Tuhan Allah i Amá. Aka natua dá ki Amá in mohoromat kon inakó kon tayowon in itoi in bangusaku bo kon tayowon in bayongan umat in Israel.”

IMAMAT 20:10

Aka intau Israel tobatú monuaḻing kon buḷoi in intau inta tobangusanea, dá sia bo bobay tatua in musti hukumon matoi.

WAHYU 1:5

bo nongkon i Yesus Kristus, sakusi inta mosatia. Sia tua inta muna-munamai totok biniag bui nongkon kinopatoian bo Sia doman in nongawasa kon bayongan datu kon dunia naa. Ki Yesus in motabi kon i naton, tuamai Sia in noibog minatoi sin momilat kon i naton nongkon kawasa in dosa mita naton,

IBRANI 9:26

Sin aka natua dá tantú mopobui-buibí domanmai Sia in monahang kon roriga inta mulaipamai dunia naa pinomia. Táe noniata magí, tanaa kon singgai tumi naa, Sia in namangoi tongábí komintan bo noposarakan in awak-Nea tontaní sin potobut kon bayongan in dosa naton.

YOHANES 1 1:7

Táe aka kita in mobiag kon bonu in bayag ná ki Allah inta kon bonu doman in bayag, dá kita in mustibí mobiag modagin, motompia bo mositabian tobatú bo tobatú. Bo dugú i Yesus, ki Adí-Nea tua, mondarit kon i naton nongkon bayongan dosa.

OUMAN IN RASUL MITA 2:37

Naonda in mosia nokodongog kon singog i Petrus tatua noḻiai in gina monia. Bo noḻibó in mosia kon i Petrus bo kon rasul mita ibanea, “Utat mita onu degá in musti pomiaan nami?”

MATIUS 14:10

Binayáneadon pinoki pongko in uḷu i Yohanes inta kon ponjara.

OMBAḶ 3:32

Mopaḷut mako in Sia mobogoi in roriga Sia in monotabibí doman, sin Sia in umuranbí motabi kon i naton pongin tabi inta diábí in sigadnea.

YESAYA 44:22

Taḷámu in buntunon-Ku naonda bo goḷom, dosamu in untunon-Ku naonda bo topuot. Pobuidon mangoi kon i-Nakó, sin iko in pinoḷuat-Kudon!”

YESAYA 43:24

Iko in diábí notaḷui kon dupa mobondu ogoi kon i-Nakó, diá nopoguḻí kon i-Nakó in ḷongó in kuruban inta iratámu. Táe noyoḻiudon, iko in nokibabadon kon i-Nakó in dosamu mita, nopororigamai kon i-Nakó takin taḷámu mita.

YESAYA 38:17

Robonoḷ in ginaku in mobaḷuibí mobaḻí ḷunganga in gina, Iko in moposaḷamat kon inakó nongkon anib; dosaku mita inampungan-Mudon komintan.

AMSAL 25:12

Toboḷow in intau moarip kon i intau inta moibog mokidongog, in naonda bo sising buḷawan andeka ḷambá madiow.

MAZMUR 51:16

Posimparutdon in akuoi nongkon popatoi, o Allah mopoposaḷamatku, dá takin pia in gina potaauku in kooadil-Mu.

AYUB 33:27

Dá kon tayowon in intau moantó sia in moguman, ‘Inta moraat inanggapku mopia, moḷobenbí in dosaku, tongá ki Allah in diábí nohukum kon inakó.’

TAWARIKH 2 25:16

“Kibio-biómai,” guman i Amazia, “Aka diá, ḻimodon nami in iko! Diábí dodai in onda in kami noduí kon inimu nobaḻí monononggina i datu!” Dá kibio-biómaidon in nabi tatua, táe munadon in sia noguman, “Tanaa in kinotaauankudon kon ki Allah in nonantúdon kon moyopú kon i Tuang sin aid i Tuang tua, bo popisí in ki Tuang diá mopandungmai kon tongginaku.”

TAWARIKH 2 16:10

Tosingogon i Nabi Hanani tatua nokotorú totok kon i Asa nodapot in pinobonunea kon ponjara in nabi tatua. Kon dodai intua ki Asa in nopororigadon kon tongonumai in rayatnea.

DATU MITA 2 1:9

Bo pinotabáneadon in porwira tobatú takin ḻima nopuḷú in intaunea sin mayá modomok kon i Elia. Porwira tatua in minayá bo nokotambak kon i Elia ḻimitú mako kon buḷud tobatú. “Ei, mogogundoi i Allah,” guman in porwira tatua, “pinoki siḻigan i datu in iko!”

DATU MITA IMITÁNEA 22:8

Ki Ahab notubag, “Tobatúpa, ki Mikha ki adí i Yimla. Táe mobú in akuoi kon inia, sin diábí kon dodai in onda in sia in moguman kon onu in mopia in mobaḻí kon inakó; tantúbí inta diá mopia.” “Uḻe, dikabí natua!” tubag i Yosapat.

DATU MITA IMITÁNEA 21:20

Naonda in ki Ahab nokoontong kon i Elia, sia in noguman, “Ei musung, imbuitnea nouḻímudon in akuoi!” “Totuu,” tubag i Elia. “Sin ki Tuang in takin ḻimbatú in gina nogaid kon inta moraat kon tayowon i Tuhan,

DATU MITA IMITÁNEA 13:4

Kon dodai in kinodongogan i Yerobeam in tosingogon mita tatua, sinundúnea in nabi tatua bo nomaḷú, “Domok in intau tatua!” Táe kokaḷ i Yerobeam daḻídon notorondó dá diádon motaaunea okúon.

SAMUEL 1 15:20

Ki Saul in notubag, “Akuoi ain dinumudui kon parenta i Tuhan, bo minayá noparang pinodudui ná inta pinarenta-Nea kon inakó; ki Agag datu intau in Amalek in dinomokku bo bayongan intau in Amalek ain iḻimodku.

IMAMAT 24:17

Ki ine in moḻimod kon intau ibanea musti hukumon matoi.

LUKAS 18:13

Táe mononagi kon pajak tatua in sinimindog iyumayú bo diá doman kobaḻí in ḷumangag kon ḷangit in nosambayang. Sia in tongá kopia moyapu kon dodobnea bo nosingog nanaa, ‘O Allah, kotabipa in akuoi naa, sin akuoi naa intaubí baradosa!’ ”

KINOBAḺIAN 39:9

Kon naa kawasaku notongkai in kawasanea. Diábí in tobatúmai diá pinopopirisayanea kon inakó koḻikudbí in ki Nyora. Yo naondabí in akuoi momia kon inta moraat natua bo mogaid kon dosa kon i Allah?”

TAWARIKH 1 21:8

Bo nosambayangdon in ki Daud kon i Allah kainia, “Oo Allah, akuoi naa in totokdon in binaradosa, ampungaipa kaasí in akuoi naa sin aidku tatua in nopompuḷongdon totok.”

MAZMUR 103:12

Ná kinoyoyayú in pomukaan kon toyopan, natua in kinoyoyayú in pinoḷumbúan-Nea kon dosa mita naton.

IḶUAIAN 9:27

Bo datu in nogoiní kon i Musa bo kon i Harun, bo noguman, “Akuoi ain nogaid kon dosa. Ki Tuhanbí in nobanar, akuoi bo rayatku ain nogaid kon noitaḷá.

SAMUEL 2 24:17

Ki Daud in nokoontong kon malaekat inta koyogot moḻimod kon rayat, bo sia in noguman kon i Tuhan, “Akuoibí in binaradosa sin akuoibí in nomia kon taḷá tatua. Táe onu in taḷá in bangusa tatua? Hukumdon in akuoi bo motoḷuadíku!”

MAZMUR 51:6

Tongábí kon ini-Mu, tongábí kon ini-Mu binaradosa in akuoi, bo pinomiaku in onu inta inanggap-Mu moraat. Dá patusbí hukumon-Mu in akuoi, moadilbí in pononantú-Mu.