SAMUEL 2 11:2 - Alkitab Singog In Mongondow Masa In Tanaa

² Kon singgai inta moḷoḷabungdon tobatú, naonda in ki Daud nobangon nongkon pinosiugannea, nodondaḷoi in sia kon atop in komaḻig inta notondodai tatua. Nongkon tua inontongnea in bobay tobatú yogot in moinggú, moḷunat totok in bobay tatua.

SAMUEL 2 11:2 Referans Kwoze

MATIUS 5:28

Táe Akuoi in moguman kon inimu: pomuḷoi in intau inta mokobobuimai kon bobay tobatú bo moibog kon inia, yo sia tua aindon nonuaḻing takin bobay tatua kon bonu in ginanea.

MAZMUR 119:37

Ḷukadai in akuoi sinbá diá momatuk kon inta diá in mangaḻenea, ogoiaidon in akuoi in kobiagan podudui in ibog-Mu.

YOHANES 1 2:16

Bayongan in yagi-yagi inta kon bonu in dunia naa, tua in kinoibog in awak inta baradosa naa, onu inta koontongan bo inta pongaḷakuang, tua komintan in deemanbí nongkon i Amá, táe nongkon duniabí naa.

OUMAN IN RASUL MITA 10:9

Nopoikoḷomai kon singgai, kon wakutu in bobantungnea mita tatua kon daḷanpa bo motoyongdon moyaput in Yope, degá jammaidon mopuḷú bodoyowá tusinggainea, ki Petrus in noponikdon kon baḷoi sin mosambayang.

AMSAL 6:25

Dika in iko koakaḷan monia in koḷunat monia, dika moitontong kon mata monia inta modondouḷug.

AYUB 31:1

Pinongin ibot akuoi in modandi mongodeaga moguod diábí bobuionku takin ibog in awak.

PETRUS 1 4:7

Kopaḷutan in yagi-yagi motoyongdon. Tuamai ḷukadaidon kopira in awak monimu bo umuran mokopoonow kon raian sinbá moiko in motaau mosambayang.

AMSAL 31:30

Pogot inta motaingkat diábí motaau pirisayaan, bo pogot moḷunat in moinggamábí; táe bobay inta motoindudui kon i Tuhan in patusbí dayowon.

ULANGAN 22:8

Aka moiko moposindog in baḷoi, yo musti tondokon monimu in ḻibunea potombutung kon kokiap in atopnea. Dá deemanbí tanggung jawabmu aka oyúon in intau in moḷabú nongkon atop tatua bo matoi.

KINOBAḺIAN 3:6

Inontong in bobay tatua kon mopia in pangkoi kayu tatua, bo bungainea koontongan in mopira doman kaanon. Sia in norai kon mopiabí totok aka sia in mobaḻí mopandoi. Manangka intua sia in nosipú kon bungai in pangkoi in kayu tatua, bodongka kinaannea, bo inogoiannea doman in ki buḷoinea, bo kinaan doman i buḷoinea ḷoḷaki.

MATIUS 10:27

Onu inta pinoguman-Ku kon i monimu kon dodai in doḷom musti buion monimu poguman dodai in singgai mobayagdon, bo onu inta pinogombong kon bongoḷanmu, yo popotaaudon kon bayongan in intau!

YEREMIA 19:13

Bayongan in baḷoi kon Yerusalem bo bayongan in baḷoi in datu mita in Yohuda in mobaḻíbí monajis naonda bo Topet; sin kon tudu in atop in baḷoi mita tatua ain sinubá in dupa sin posumba kon dewa mita in ḷangit, bo moposumba in anggur kon dewa mita ibanea.”

AMSAL 19:15

Aid maḷat mokopopisí kon intau mosiug moanok, bo imbuitnea intau maḷat koaputan in gogoy.

SAMUEL 2 4:7

Baḷú in mosia sinumuot kon gopot inta pinosiugan noḷoḷot i Isyboset, bo nonumbuk kon inia nodapot in minatoi. Pinongkó monia in uḷunea bodongka dinia monia minayá. Tonggobii nouput in mosia minayá nongin Ḷopá in Yordan.

KINOBAḺIAN 34:2

Naonda in ki Sikhem, ki adí i Hemor intau in Hewi inta nobaḻí datu kon butá tatua nokoontong kon i Dina, pinoḷaguinea in mongodeaga tatua bo pinakisanea siniugan.

KINOBAḺIAN 6:2

mahaḷuk mita i allah in nokoontong kon adí mita bobay tatua mongoḷunat. Bo mulai tonibuḷoion monia in mongodeaga mita inta koibog monia.

SAMUEL 2 4:5

Porwira doyowa tatua, ki Rekhab bo ki Baana in nobuat minayá in baḷoi i Isyboset bo nodapot kon tua kon dodai in noutu in singgai, kon dodai intua ki Isyboset koyogot in nogogai singgai.

SAMUEL 1 9:25

Nopaḷut mako kon tua nosiḻigdon in mosia nongkon tampat pinoibadaan tatua bo minayá in kotá. Ki Saul pinosadiaan kon pinosiugannea kon tudu in baḷoi,

KINOBAḺIAN 39:6

Bayongan onu inta kon i Potipar pinopopirisayadon kon i Yusup. Takin natua ki Potipar beresi bidon sia doí monotaau kon bayongan inta kon baḷoinea, koḻikudbí in soaḷ kaanonnea. Ki Yusup naa in moroton bo moḷunat totok.

MATIUS 24:17

Intau inta kon tampat pobobarasanangan donaaidon bui moponag bo mogamá kon pakakat mita kon bonu in baḷoinea.

KINOBAḺIAN 12:11

Kon dodai in sia tumaḻibdon kon sigad bo tumuotdon kon butá in Mesir, sia in noguman kon i Sarai ki buḷoinea, “Iko totok in moḷunat, buḷoiku.

ULANGAN 5:21

Dika moibog in kapunyaan in intau ibanea: pinomayá baḷoinea, butánea, ki buḷoinea bobay, bobantungnea mita, bobiagonnea, keledainea ande onuka in kon inia.’

SAMUEL 2 13:1

Ki Absalom adí ḷoḷaki i Daud kogai-gai kon mongodeaga inta moḷunat totok, ki Tamar in tangoinea. Ki Amnon ki adí ḷoḷaki i Daud kon bobay ibanea, noibog kon i Tamar

SAMUEL 2 14:27

Ki Absalom in kogadí kon ḷoḷaki toḷu bo bobay tobatú inta totok in moḷunat, ki Tamar in tangoinea.

AMSAL 7:8

Kon dodai in ḷoḷabungnea kon tungkuḷ in moungkoḷomdon, tayow mobiag tatua kibaya-bayámai kon diug in pobeukan in daḷan inta mayá in baḷoi pinogutunan in bobay tobatú.