SAMUEL 2 10:10 - Alkitab Singog In Mongondow Masa In Tanaa

¹⁰ Kiagat in tontara inta nongkon Israel in inogoinea kon i Abisai ki ai-ainea, inta nomia kon pipidan monia pinoyogintayow in tontara in Amon.

SAMUEL 2 10:10 Referans Kwoze

SAMUEL 2 10:9

Inontong i Yoab kon kogupitan in tontara in musung i mosia inta nongkon muna bo nongkon tumi. Tuamai nomiḻí in sia kon tontara in Israel inta totok in mongopia bo sinampatnea pinoyogintayow in tontara in Siria.

SAMUEL 2 10:11

Ki Yoab in noguman kon i ai-ainea tatua, “Aka akuoi diádon mokotongod in monayow kon tontara in Siria, yo koḷamemet angoi tuḷungai in akuoi; ná doman tua, aka iko in diá domandon mokotongod in monayow kon tontara in Amon, dá ḷagidon in akuoi mamangoi motuḷung kon inimu.

SAMUEL 2 23:18

Toḷu nopuḷú in porwira inta ponango-nangoian tatua sinangoian doman “Tridasawira”. Mosia tua in kon bonu in tongganut i Abisai ai-ai i Yoab, adí i Zeruya. Nokoimontandon in sia noḻimod kon 300 in intau tongá nopomaké in pandongnea. Tuamai in nobaḻí in sia ponango-nangoian. Táe sia in diábí ná kotoyang in “Triwira”.

SAMUEL 2 18:2

Nopaḷut mako kon tua pinotabáneadon in mosia minayá noparang kon bonu in toḷu nopaanan, paanan mita tatua in kon bonu in tongganut i Yoab, i Abisai ki ai-ai Yoab bo Itai intau i Gat. Guman i datu kon intaunea, “Akuoi in mayá doman moyotakin monimu.”

TAWARIKH 1 18:12

Ki Abisai (ki inánea in ki Zeruya) in nonaḷow bo noḻimod kon 18.000 in intau in Edom kon Ḷopá in Asin

TAWARIKH 1 19:1

Diá noonggot kon tua ki Nahas datu in Amon minatoi, bo ki Hanun ki adínea ḷoḷaki in nobaḻí datu.