SAMUEL 1 9:24 - Alkitab Singog In Mongondow Masa In Tanaa

²⁴ Bo mododungú tatua nogamá kon tongosilai inta totok in mopia nongkon tapú in paa, bo inoḷudnea kon tayowon i Saul. Samuel noguman: “Naa in tonsilai inta sinondíku kon inimu sin kaanonmu tanaa mako moyotakin in intau mita inta sinoko oiní ibanea. Pongaandon uḻe.” Bo nongaandon in ki Saul. Dá kon singgai tatua ki Saul in nongaan noyotakin i Samuel.

SAMUEL 1 9:24 Referans Kwoze

YEHEZKIEL 24:4

Bonu in ponoyá kon bonunea piḻí in ponoyá inta totuu mopia; tapú in obaganea bo paanea takin tuḷan mita inta nobayong in bobubutonnea.

IḶUAIAN 29:27

Kon bonu in upacara poduían kon imang tatua, dodob bo paa in domba koḷakian inta pinaké kon bonu in upacara tatua musti posumba mobaḻí sosumba potamad kon i-Nakó bo poyotondíon nongkon silai in imang mita.

IḶUAIAN 29:22

Gamádon ḷongó in domba koḷakian tatua, iputnea inta oyúon in ḷongó, gaipan ḷongó nongkon bonu in siannea, onu inta totok in mopia nongkon podilatnea, kombiloinea doyowa takin ḷongónea, bo paanea koḷanan.

PINOGIAPAN 18:18

Tapúnea tua in kon inimu, notongkai doman ná dodob bo paa koḷanan in bobiagon inta nobaḻí sosumba inta tonoion kon i-Nakó.

SAMUEL 1 9:23

Noiduduimai kon tua ki Samuel noguman kon mododungú, “Oḷudon in ponoyá inta koina inogoiku kon inimu tua.”