SAMUEL 1 9:15 - Alkitab Singog In Mongondow Masa In Tanaa

¹⁵ Táe tosinggai noiuna kon tua ki Tuhan ain nobogoi in koyow kon i Samuel nanaa,

SAMUEL 1 9:15 Referans Kwoze

OUMAN IN RASUL MITA 13:21

Noidudui kon tua mosia noigum kon datu, dá inogoi i Allah in ki Saul, ki adí i Kish inta nongkon suku Benyamin. Opat nopuḷú notaong sia in nobaḻí datu.

SAMUEL 1 15:1

Kon singgai tobatú ki Samuel noguman kon i Saul, “Ki Tuhanbí in nopotabá kon i nakó noduí kon i Tuang nobaḻí datu kon Israel umat-Nea. Tuamai, pokidongogbí in ki Tuang kon parenta i Tuhan Inta Totok in Mokawasa.

AMOS 3:7

Ki Tuhan Inta Totok in moḷantud in diábí kon dodai in onda in mogaid kon oaidan-Nea aka diápa muna moponiata in tomayá-Nea kon nabi mita, mogogundoi-Nea.

MAZMUR 25:14

Ki Tuhan in yobayat in intau inta mopirisaya, Sia in moponiata in makusud-Nea kon i monia.

AYUB 33:16

Ki Allah in nopotabá kon i monia mokidongog; sinaḻikokogan-Nea in mosia in toboḷow mita.

SAMUEL 2 7:27

Tuhan Inta Totok in Mokawasa! Nokopobaranidon in akuoi in nopoyaput in sambayangku tanaa kon ini-Mu, sin Ikodon tontaní in nopotaau kon inakó kon adí bo ompuku bo namonag in baḻíon-Mu datu kon bangusa tanaa.

SAMUEL 1 20:2

Tubag i Yonatan, “Dika mosingog kon natua! Podoyon kon i Tuhan, iko in diábí koḻimodan. Ki amáku in umuranbí mopotaau kon inakó in bayongan in tomayánea, pinomayá inta moponting, andeka diá. Dá diábí doman bunionnea kon inakó in makusudnea tatua. Tuamai, onu in siningogmu tatua in diábí totuu!”

OUMAN IN RASUL MITA 27:23

Sin kogobíi malaekat i Allah inta sinumbaku, ki Allah inta ki togi kon inakó in namangoi kon inakó.

SAMUEL 1 9:17

Naonda in ki Samuel nokoontong kon i Saul, ki Tuhan noguman kon i Samuel, “Naadon in intau inta pinoguman-Ku kon inimu tua. Sia in momarenta kon umat-Ku.”

SAMUEL 1 9:14

Dá ki Saul bo bobantungnea minayádon in kotá bo naonda in mosia sinumuot kon ngara moḷoben, mosia in noyodungkuḷdon i Samuel inta mopobayádon in tampat pooibadaan kon buḷud.