SAMUEL 1 7:16 - Alkitab Singog In Mongondow Masa In Tanaa

¹⁶ Pomuḷoi in taong sia mayá moḻibu kon Betel, Gilgal, bo Mizpa. Bo kon tampat mita tatua sia mopoyotutui in pelekara mita yogenggengan.

SAMUEL 1 7:16 Referans Kwoze

MAZMUR 75:2

Kami in mosumba kon ini-Mu, o Allah, kami in mopoyaput in sukur kon ini-Mu bo mopotaau in oaidan-Mu inta mokotongaw.

HAKIM MITA 12:14

Ki adínea ḷoḷaki in opat nopuḷú bo ki ompunea mita ḷoḷaki in toḷu nopuḷú. Mosia notukidbí in keledai totakoian. Waḷu notaong in ki Abdon in nobaḻí itoi kon umat in Israel.

HAKIM MITA 10:4

Ki adínea ḷoḷaki toḷu nopuḷú in koantónea. Keledai monia totakoian in toḷu nopuḷú in kobayongnea bo toḷu doman nopuḷú in ḻipú monia kon butá in Gilead. Ḻipú mita tatua sinangoianpabí ḻipú mita i Yair.

HAKIM MITA 5:10

Ei moiko inta sinumakoi kon keledai nobudó, moiko inta iḻimitú kon permadani, bo moiko komintan inta minaya-mayá in sioḷ, pohabardon in kinountungan tanaa!

KINOBAḺIAN 28:19

Tampat tatua sinangoiannea Betel. (Koḻipod tangoinea Lus.)

KINOBAḺIAN 35:6

Bo nodapotdon in mosia kon butá in Kanaan kon kotá in Betel inta koḻipod in tangoinea Lus.

YOSUA 5:9

Ki Tuhan noguman kon i Yosua, “Singgai in naa kinohinaan monimu nobaḻí ata mita kon Mesir ininggamáan-Kudon.” Tuamai tampat tatua sinangoian Gilgal dapot in tanaa.

YOSUA 5:10

Koyogot nononḷoḷaigan kon Gilgal kon rata kon diug in Yerikho, umat Israel noraya kon Paska kon ḷoḷabungnea singgai impuḷú boopat kon buḷan tatua.

SAMUEL 1 7:5

Nopaḷut mako kon tua ki Samuel noguman, “Sipundon in bayongan bangusa Israel kon Mizpa, sinbá akuoi mosambayang sin kopontingan monimu.”

SAMUEL 1 11:14

Bo nogumandon in ki Samuel kon i monia, “Koḻigai in kita komintan mayá in Gilgal bo baḻíondon in Saul datu naton.”

AMOS 5:5

Dika mayá in Bersyeba sin moibada. Dika motayak kon i-Nakó kon Betel, sin Betel in moinggamábí. Dika doman mayá in Gilgal, sin intau kon kotá tatua in akutonbí pobayá in poḷumbúan.”

SAMUEL 1 10:17

Dá ki Samuel in nogoiní kon bayongan intau in Israel sinbá moyosipun kon Mizpa,

HOSEA 5:1

Ki Tuhan in noguman, “Indongogaidon, ei imang mita! Taridiaidon, ei intau in Israel! Indongogai, ei intau mita buí in datu! Hukuman in pinoḷabúdon kon i monimu. Sin, mustibí mokopoadil in moiko in monisig, táe noyotuuidon, moiko in nobaḻídon ná poyogaḷap kon Mizpa, naonda bo potait kon Buḷud in Tabor,