SAMUEL 1 7:10 - Alkitab Singog In Mongondow Masa In Tanaa

¹⁰ Naonda in ki Samuel koyogot in noposumba in kuruban payongon tatua, intau in Pilistin nomangkoidon nonubu; táe kon dodai domandon tuata ki Tuhan nonggotup nongkon ḷangit kon tombutungonmai monia. Bo notombauk in mosia poḷat noḷagui posi bayá sin motoboḻingo.

SAMUEL 1 7:10 Referans Kwoze

SAMUEL 1 2:10

Musung mita i Tuhan in morimumud motontopong, mosia in moondok; nongkon ḷangit in Sia monggotup. Ki Tuhan in mohakim kon bayongan in dunia naa, bo mobogoi in kawasa inta momulia kon i datu inta piniḻí-Nea.”

SAMUEL 1 12:17

Akuoi in mokuani kon i Tuhan, bo umpaka tanaa sempo in poninggai, ki Tuhan in mopoangoibí in gotup bo uyan saḷaku tubag kon sambayangku. Bain tua bo kotaauandon monimu kon totuubí moḷoben in dosamu kon i Tuhan sin noigum kon datu tobatú.”

HAKIM MITA 5:20

Tundi mita sinumakin doman noparang nonayow kon i Sisera, nongkon tampat monia kon toḷungayá.

YOSUA 10:10

Binaḻí i Tuhan in intau mita in Amori notoboḻingo naonda in nokoontong kon tontara mita in Israel. Nobarong intau in Amori in iḻimod kon Gibeon, bo inta nobiagpa dinuduran nosiḻig kon buḷud in Bet-Horon nodapot in Azeka bo Makeda kon dotá in toḷatan.

ZAKHARIA 4:6

Malaekat tatua in nopotabá kon inakó mopotaau kon i Zerubabel in koyow i Tuhan tanaa, “Deemanbí pinodoyon kon ropot in tontara bo deemanbí doman pinodoyon kon ropotmu tontaní iko in mountung, táe noidoyonbí kon roho-Ku.

HAKIM MITA 5:8

Naonda in Israel momangkoidon mosumba kon dewa, nobaḻídon in parang kon butá monia; kon sigad in opat nopuḷú noribu in tontara in bangusa, diábí in tobatúmai in notonggó kon ḷoḷutam.

HAKIM MITA 4:15

onda intua nonubu kon i Sisera. Bo pinotombauk i Tuhan in bayongan tontara i Sisera bo kereta mita in parangnea, dá ki Sisera noponagdon nongkon keretanea, bo noribatuk noḷagui.

SAMUEL 1 7:11

Tontara in Israel iḻumuai nongkon Mizpa bo nondudur kon intau in Pilistin tatua nodapot kon Bet-Kar, bo nomogutú kon i monia.

SAMUEL 1 14:15

Onu inta nobaḻí tatua nokodoḻiok kon intau in Pilistin kon pinononḷoḷaigan bo kon popokaanan mita in bobiagon. Bayongan rayat in Pilistin takin tampat mita poḷoḷukadan bo paanan mita in mogogagow noondokdon; nodapot in butá nodandú, bo totokdon in nodowawá.

MAZMUR 29:3

Ki Allah inta momulia nonggotup kon ḻimonik in dagat, singog-Nea in kinodongogan kon ḻimonik in baḷangon.

MAZMUR 29:4

Singog i Tuhan kinodongogan, nopuḻing in kawasa bo kototorindog.

ULANGAN 28:7

Aka moiko tubuon, ki Tuhan in monaḷow kon musungmu. Motompia in pononubú monia, táe moḷaguibí posibayá.

MAZMUR 18:15

Sia in nopopiot in piot-Nea mita bo noporarit in musung; Sia in nopotampí in kilat nopobui-buimai, bo nodapot in mosia noḷagui.

MAZMUR 78:66

Sia in nomongkug kon musung-Nea nodapot in inumundok, bo nonaḷow kon i monia modapot in mononoi.