SAMUEL 1 6:7 - Alkitab Singog In Mongondow Masa In Tanaa

⁷ Tuamai, sadiadon in roda tobatú inta nobagu takin sapi doyowa inta koyogotpa in ponetéan, bo inta diápa kon dodai in onda in pinaké pinogugutan kon roda. Pasdon in sapi doyowa tatua kon roda, bo diádon in ki adí mita in sapi tatua kon ḷantung.

SAMUEL 1 6:7 Referans Kwoze

SAMUEL 2 6:3

Poti Dodandian tatua in ginamá nongkon baḷoi i Abinadab kon tudu in buḷud bo pinopodatog kon roda inta mobagu. Bo ki Uza taya dua i Ahio, adí mita i Abinadab dinumudui kon roda tatua; ki Uza in minayá kon sínea,

PINOGIAPAN 19:2

mopotaau in atorang mita tanaa kon bangusa Israel: Gamá in sapi kobaayan tobatú inta nopura in batangannea bo diá nobogit bo diápa dodai onda in pinogaid.

TAWARIKH 1 13:7

Naonda in noiyaput kon Baala, mosia in nogamá kon Poti Dodandian tatua nongkon baḷoi Abinadab, bo pinodatog kon roda tobatú inta nobagupa. Ki Uza bo ki Ahyo in dumuduianmai kon roda tatua,

ULANGAN 21:3

Bo guhanga mita nongkon kotá inta totok in nodiug kon tua musti momiḻí kon sapi tobatú inta batánea inta diápa dodai in onda in pinogaid.

ULANGAN 21:4

Sapi tatua in musti diaan monia kon tampat tobatú kon diug in ongkag inta diá mogio-giot bo inta butánea diápa dodai in onda in pinajeko ande binunakan. Kon tampat tatua putoḷondon monia in sigogow in bobiagon tatua.