SAMUEL 1 5:6 - Alkitab Singog In Mongondow Masa In Tanaa

⁶ Onda intua ki Tuhan nohukum kon intau mita in Asdod bo kon butá mita inta kon diugneamai pinopoumaan-Nea in bobentuḷ mita kon awak monia.

SAMUEL 1 5:6 Referans Kwoze

SAMUEL 1 5:11

Tuamai mosia nogoiní kon bayongan datu in Pilistin sinbá moyosipun, bo noguman, “Pobuidon in Poti Dodandian i Allah in Israel tatua kon tampatnea inta muna sinbá diá ḻimodonnea in kita bo motoḷuadí naton.” Kon bayongan in kotá tatua nodoḻiokdon sin ki Allah nohukum nobogat totok kon intau mita inta nogutun kon tua.

OUMAN IN RASUL MITA 13:11

Yo indoiai in tanaa, hukumon i Tuhan iko! Iko in mobilog bo diádon mokoontong kon mata in singgai samantara naa.” Kon dodaipa doman intua kinorasaandon i Elimas kon oyúon in topuot morondí in noikoḷob kon matanea, dá sia in mayá mongoka-ngokapdon in motayak kon intau inta motaau mokapit kon inia.

MAZMUR 32:4

Singgai doḷom Iko in mondorot kon inakó, Tuhan, ropotku in nodait naonda bo sinotop in patú in singgai.

ULANGAN 28:27

Ki Tuhan in mohukumbí kon i monimu takin mopouma in bituḷ mita ná inta pinopouma-Nea kon intau mita in Mesir. Awakmu in mopuḻingdon in kekeb bo momuka inta mokokatoḷ, táe diábí in undamnea.

IḶUAIAN 9:3

yo poangoi-Kudon in bodito inta totok in motoyang kon bayongan bobiagonmu, pinomayá kabaḷo, keledai, unta, sapi, domba bo bembému.

MAZMUR 78:66

Sia in nomongkug kon musung-Nea nodapot in inumundok, bo nonaḷow kon i monia modapot in mononoi.

SAMUEL 1 5:7

Naonda in inontong monia onu inta yogot mobaḻí kon i monia tatua, mosia noguman, “Ki Allah in Israel nohukum kon inaton bo kon i Dagon dewa naton. Diábí motaau in pomayá mako naton kon naa in Poti Dodandian-Nea tantú kon naa koonggotonpa.”

AYUB 31:3

Bodito bo roriga in notantúbí kon poangoi-Nea kon intau inta nogaid kon inta moraat!

SAMUEL 1 5:9

Táe naonda in poti tatua noidapot kon tatua, ki Tuhan nohukum kon kotá tatua doman bo nopomuká in inta mokodoḻiok totok. Intau mita inta kon kotá tatua, pinomayá inta nongobagupa andeka inta ain noguyang ihukum takin pinopoumaan in bobentuḷ mita kon awak monia.

MAZMUR 145:20

Sia in moḷukadbí kon batúan in intau inta moibog kon i-Nia, táe intau moraat in putúan-Neabí.

MAZMUR 147:6

Sia in noposindog in intau inta dinorot, táe intau moraat in pogambat-Nea kon butá.