SAMUEL 1 5:12 - Alkitab Singog In Mongondow Masa In Tanaa

¹² Intau mita inta diá minatoi, kinotugatan in bobentuḷ mita tatua, dá intau mita kon kotá tatua nomaḷú kon dewa mita monia, mokituḷung.

SAMUEL 1 5:12 Referans Kwoze

IḶUAIAN 12:30

Doḷom tua ki datu, intau mita inta nokadai kon kawasa bo bayongan intau in Mesir noibangon. Kon bayongan butá in Mesir kinodongogandon in ombaḷ bo amui inta totok in modowawá sin diá tobatúmai in baḷoi in diá kinopatoian adí ḷoḷaki tobatú.

AMOS 5:19

Kaadaannea in naonda bo intau inta noḷagui kon singa, táe noyodungkuḷ in beruang. Andeka naonda bo intau inta nobui kon baḷoi bo nopotungkud in ḻimanea kon dinding, bo sinobak in uḷag!

YEREMIA 48:3

Indongogai! Intau in Horonaim in kumarak, ‘Koyopúan! Korimumudan!’

YEREMIA 25:34

Ei itoi mita, ei gombala mita in umat i Tuhan! Pongombaḷdon koropot! Ponangkuḻitodon kon ḷobud, sin noiangoidon in wakutunea ḻimodon in moiko, bo inta mokoḷagui in porariton. Moiko in nádon kuyon koboḻi inta noḷabú bo noḷosi.

YEREMIA 14:2

“Yohuda monakit in gina kotánea mita gogiódon bo matoi. Intaunea mita umuḻidon mako kon butá bo mogamui. Yerusalem momaḷú mokituḷung.

DATU MITA IMITÁNEA 19:17

Ki ineka in diá ḻimodon i Hazael, yo ḻimodonbí i Yehu, bo mosia inta mokoḷagui nongkon i Yehu yo ḻimodonbí i Elisa.

SAMUEL 1 9:16

“Ikoḷom doḷo-doḷom degá orasmai nanaa, Akuoi in mopotabádon mangoi kon intau tobatú nongkon suku Benyamin mamangoi kon inimu. Duídon in sia takin upacara popotoguḷuan in ḷana sin baḻíon datu kon umat-Ku Israel. Sia in moposaḷamat kon umat-Ku nongkon intau in Pilistin. Akuoi in nokoontongdon kon roriga in umat-Ku bo nokodongogdon kon ombaḷ monia mokituḷung.”

SAMUEL 1 6:1

Naonda in Poti Dodandian i Tuhan tatua pitudon nobuḷan in koonggotnea kon Pilistin,