SAMUEL 1 4:15 - Alkitab Singog In Mongondow Masa In Tanaa

¹⁵ Kon dodai intua ki Eli umurdon siow nopuḷú bo waḷu notaong bo matanea in diádon mosilang.

SAMUEL 1 4:15 Referans Kwoze

SAMUEL 1 3:2

Kon doḷom tobatú, ki Eli inta totokdon in nogoguyang bo gogiódon nobilog, nosiug mako kon gopotnea,

MAZMUR 90:10

Kobiagan nami in tongá pitu nopuḷú notaong, aka kami moropot, yo waḷu nopuḷú notaong. Táe tongábí susa bo roriga in mouḻí nami; naonda in mobiag motoyong, kami in diádon.

DATU MITA IMITÁNEA 14:4

Dá minayádon in ki buḷoi i Yerobeam kon baḷoi i Nabi Ahia kon Silo. Ki Nabi tatua in diádon mokoontong sin nogoguyangdon totok.

KINOBAḺIAN 27:1

Kon singgai tobatú kon tungkuḷ in ki Ishak nogoguyangdon bo nobilog domandon, inoinínea in ki Esau, ki adínea guya-guyang, bodongka noguman kon inia, “Adíku!” “Ya, Papa,” tubag i Esau.

SAMUEL 1 4:14

Kinodongogan i Eli in ombaḷ monia tatua, bo noḻibó in sia, “Onu in mokodowawá tatua?” Kon dodai intua intau koina noribatuk minayá kon i Eli; naonda in noyaput, pinotaauneadon in habar inta diá mopia tatua.