SAMUEL 1 29:3 - Alkitab Singog In Mongondow Masa In Tanaa

³ Tongguḷu totokan mita in tontara intau in Pilistin nokoontong kon i monia bodongka noḻibó, “Mongonu kon naa in intau mita in Ibrani tatua?” Ki Akhis in notubag, “Naa in ki Daud, inta koḻipod in nobaḻí pogawai i Datu Saul nongkon Israel. Sia in noḻin onggotdon in nogutun kon inakó. Pinangkoipa kon namangoi in sia kon inakó nodapot in singgai naa, diápabí kon dodai in onda in sia kinokadapatanku in nomia kon noitaḷá.”

SAMUEL 1 29:3 Referans Kwoze

DANIEL 6:5

Táe gubernur mita bo pongawas mita tatua in moḷongasi motayak kon taḷá mita i Daniel kon bonu in mopobayá in oaidan kon pomarentaan, táe diábí kinouḻían monia, sin ki Daniel in mosatia bo mojujur bo diá nogaid kon inta diá mopia andeka inta noitaḷá onuka.

SAMUEL 1 27:7

Ki Daud in nogutun kon butá in Pilistin kon bonu in totaong bo opat nobuḷan.

PETRUS 1 3:16

Táe koaḷusbí in pototubag takin horomat. Ginamu in musti totu-totuu motuḻid, sinbá aka poponapudan uboḷ in moiko lantaran nobiag notompia saḷaku dumodudui i Kristus, dá intau inta noponapud in uboḷ tatua kon inimu buibí mooyá tontaní.

SURAT I PAULUS KON JAMAAT RUM 12:17

Aka intau mopoaid in moraat kon inimu yo donaaibí tuḻíanmu in moraat. Aidaibí in onu inta inanggap mopia in bayongan intau!

YOHANES 19:6

Naonda in imang mita itoi bo pongawal mita tatua nokoontong kon i Yesus, mosia in nomaḷú, “Popopakúdon in Sia kon kayu pinoyotaḻempang! Popopakúdon in Sia kon kayu pinoyotaḻempang!” Dá ki Pilatus in noguman kon i monia, “Gamádon in Sia, bo popopakúdon monimu tontaní kon kayu pinoyotaḻempang, sin akuoi in diábí nokouḻí kon tobatúmai in taḷá kon i-Nia.”

SAMUEL 1 25:28

Ampungdon kaasí in ḷaḷoi in bobantung naa. Ki Tuhan in notantú bidon kon mopobaḻí kon i Tuangku takin buí i Tuangku datu kon Israel, sin ki Tuang in noparang kon kopontingan i Tuhan; bo ki Tuangku in diábí mogaid kon inta moraat kinoouput in kinobiagan.

SAMUEL 1 27:1

Ki Daud norai kon bonu in ginanea, “Naondaka doman yo kon singgai tobatú in ki Saul in moḻimodbí kon inakó. Dá diábí in daḷan ibanea kon inakó, koḻikudon in moḷagui mayá in butá in Pilistin. Aka natua dá diá bidon tayakon i Saul in akuoi kon Israel, bo akuoi in moaman domandon.”

SAMUEL 1 29:6

Bo inoinídon i Akhis in ki Daud bo noguman kon inia, “Akuoi naa in mopirisaya podoyon kon i Tuhan inta nobiag, kon iko nion in mosatiabí kon inakó. Mopiabí in ginaku aka iko motaau moyotakinku kon poparangan tanaa. Sin pinangkoipamai in iko namangoi kon inakó nodapot in tanaa mako, diábí kinokadapatanku in iko kon taḷámu. Táe datu mita ibanea in doí kon inimu.

TAWARIKH 1 12:19

Kon tungkuḷ in ki Daud noyotakin in intau in Pilistin monayow kon i Datu Saul, tongosilai nongkon tontara in suku Manasye iḷumoḷan namangoi kon i Daud. Sabanarnea ki Daud in diábí notuḷung kon intau mita in Pilistin tatua. Itoi mita in Pilistin nopotabádon kon inia mobui kon Ziklag sin moondok in mosia dika-dikabo ḷumoḷan in sia mayá kon i Datu Saul bo dumugang bo mopororiga kon i monia.

TAWARIKH 1 12:20

Naa in tangoi mita in pojuang mita inta nongkon suku Manasye inta iḷumoḷan namangoi dinumugang kon i Daud kon tungkuḷ in kon binayáan kon Ziklag: ki Adnah, ki Yozabad, ki Yadiael, ki Mikhael, ki Yozabad, ki Elihu, bo ki Ziletai. Kon batúannea itoi in tontara 1.000.

KINOBAḺIAN 14:13

Táe intau tobatú inta nokoḷagui minayá nopotaau in bayongan inta nobaḻí tatua kon i Abram, intau Ibrani tatua. Ki Abram in nogutun kon diug in pangkoi mita in kayu karamat tampat pososumbaan kapunyaan i Mamre, intau in Amori. Ki Mamre bo ki utatnea mita, inta ki Eskol bo ki Aner in yobayat mita i Abram inta notobatúnea doman.

SAMUEL 1 4:6

Intau in Pilistin nokodongog doman kon giow tatua bo mosia in noguman, “Nongonu sin intau mita in Ibrani tatua in norogiowbí?” Táe naonda in kinotaauan monia kon Poti Dodandian i Tuhan aindon dinia kon pinononḷoḷaigan in intau in Ibrani,

SAMUEL 1 14:11

Naonda in taya dua nokipogontong kon intau in Pilistin kon poḷoḷukadan tatua, dá intau mita in Pilistin tatua noguman, “Indoiaika, oyúon in intau mita in Ibrani in iḻumuai nongkon bubú mita tampat pinogadopan monia!”