SAMUEL 1 28:15 - Alkitab Singog In Mongondow Masa In Tanaa

¹⁵ Onda intua noguman in ki Samuel kon i Saul, “Nongonu sin tuyayowonmubí in akuoi? Nongonu sin oiníonmubí bui in akuoi?” Tubag i Saul, “Mogagawangdon totokdon in akuoi sin tubuon in intau in Pilistin, bo ki Allah in nonaḷámaidon kon inakó. Diádon in akuoi sinubagan-Nea, pinomayá pinongin nabi mita, andeka pinongin togoindop. Tuamai in poigumonku kon i Amá, sinbá potaauondon i Amá onu in musti aidanku.”

SAMUEL 1 28:15 Referans Kwoze

SAMUEL 1 28:6

Bo nopoigum in sia in totundú kon i Tuhan, táe ki Tuhan in diábí notubag kon inia, pinomayá pinongin togoindop, andeka pinongin Urim bo Tumim andeka pinongin nabi mita.

SAMUEL 1 18:12

Kinomangaḻeandon i Saul kon iḷukadandon i Tuhan in ki Daud táe sia in sinaḷáandon i Tuhan. Tuamai inagíandon in ondok in sia kon i Daud.

HOSEA 9:12

Táe umpaka oyúon in adí mita inta pononggadí bo biniag, mosia in gamáan-Kubí; diábí tobatúmai in intau in pomayá-Ku mako mobiag. Moboditodon in moiko, ei bangusa in Israel, aka taḷaan-Ku in moiko!”

AMSAL 14:14

Intau moraat in motarimabí doman kon bungai in aidnea moraat, intau mopia in motarimabí doman kon bungai in aidnea mopia.

MATIUS 25:41

Bo Sia in noguman doman kon i monia inta kon dotá in koḷoigi-Nea, ‘Bayádon in moiko nongkon tayowonku, sin moiko in intau mita inta binaḷa! Bayádon bo tuotdon kon bonu in tuḷu inta diá mopio-piong sin tua in sinadia in Ibilis bo malaekatnea kon i monimu!

MAZMUR 51:11

Dikapa bobuion in dosaku mita, bo popataidon in bayongan in taḷáku.

SAMUEL 1 28:11

Bobay tatua in noḻibó, “Dimukud i ine in koibog i Tuang oiníonku?” Tubag i Saul, “Dimukud i Samuel.”

SAMUEL 1 28:8

Bo ki Saul nogiḷambungdon in ḷambung ibanea sinbá diá kotaauan in intau kon sia intua. Kotaki-takin in intau ḷoḷaki doyowa, nobuatdon in sia bo noyaputdon kon baḷoi in dodatuan tatua in doḷom tua in sia. Bo noguman in ki Saul kon inia, “Oinídon in dimukud in intau inta tangoionku in tangoinea, bo poigumdon sinbá potaaunea onu in mobaḻí.”

SAMUEL 1 23:2

Bo noḻibódon in ki Daud kon i Tuhan, “Degá musti in akuoi mayá monubu kon intau in Pilistin?” “Oo,” tubag i Tuhan, “tubudon in mosia bo posaḷamatdon in intau mita in Kehila.”

HAKIM MITA 16:20

Bo sia in nomaḷú, “Simson! Intau in Pilistin niondon!” Ki Simson in nobangon bo kainia kamai sia in moiḷuatpa ná biasamai. Diábí kinotaauannea kon ki Tuhan in nonaḷámaidon kon inia.

SAMUEL 1 23:4

Manangka intua komintanpa doman in ki Daud minayá nopoigum in totundú nongkon i Tuhan, bo ki Tuhan in notubag, “Dika moḻia-ḻiaw in gina. Tubudon in kotá tatua ogoi-Kubí kon inimu.”

SAMUEL 1 28:16

Bo ki Samuel in noguman, “Onubí in mangaḻe in pinogoiníanmu kon inakó naa bokaka ki Tuhan in nonaḷábímaidon kon inimu bo nobaḻí musungmu?

SAMUEL 1 30:6

Noajar totok in gina in intau mita i Daud sin mosia in kinobuḻiandon in adí bo buḷoi monia. Tuamai in mosia moibogdon mogandur in batu kon i Daud. Dá noyogintayowdon in roriga moḷoben in ki Daud, táe ginanea in inirigonan bui i Tuhan Allahnea.