SAMUEL 1 26:16 - Alkitab Singog In Mongondow Masa In Tanaa

¹⁶ Iko nion in diá mokoaid kon oaidanmu, Abner! Podoyon kon i Tuhan inta nobiag moiko komintan in patusbí matoi, sin diá noḷukad kon i tuangmu, datu inta piniḻí i Tuhan. Tungkuḷaika indoiai! Kon onda degá in pandong i datu? Kon onda degá in tampat in tubig inta inukat kon uḷuannea?”

SAMUEL 1 26:16 Referans Kwoze

EPESUS 2:3

Koḻipod, kita komintan in ná doman mosia tua; kita nobiag dinumudui doman kon tabiat in awak naton bo nogaid kon onu inta mokosanang kon awak bo raian naton. Wakutu intua kita naa in intaubí doman inta kinotugatan in torú i Allah, ná doman mosia tua.

MAZMUR 102:20

Ki Tuhan in nobobui nongkon tampat-Nea inta moḷantud, nongkon soroga iḷumongow in Sia kon butá

MAZMUR 79:11

Indongogaipa kaasí in ongot in intau mita inta pinonjara; igumon mako intau mita inta ain sinantú matoi in pomayádon mako popisí in kawasa-Mu.

SAMUEL 2 19:28

Bayongan inanakan motoḷuadí i amáku in patusbí hukumon matoi i Tuang datu, táe bobantung naa in inogoidon i Tuang datu mongaan moyotakin kon komaḻig. Tanaa in diádon kobaḻí in bobantung naa moigum kon onu bo onu kon i Tuang datu.”

SAMUEL 2 12:5

Nokodongogmai kon tua in ki Daud sinumorúdon totok sin aid in intau nooyúon tatua bo poḷat in sia noguman, “Totokbí in moraat in intau nooyúon tatua! Podoyon kon tangoi i Tuhan inta nobiag, intau tatua in mustibí monoḻiu kon ki adí in domba koopat noguntuḷ in kobayongnea bo sia in mustibí hukumon matoi!”

SAMUEL 1 26:11

Poigumon mako ki Tuhan mongampag kon inakó in moḻimod kon datu inta ain piniḻí-Nea! Gamádon mako in pandongnea bo tampat in tubignea, bo mayádon in kita!”

SAMUEL 1 26:9

Táe ki Daud in noguman, “Dikabí onuonmu in sia! Sinantú bidon i Tuhan kon hukumon-Neabí in intau inta mogaid kon moraat kon datu inta ain piniḻí-Nea.

SAMUEL 1 20:31

Diábí kinotaauanmu degá kon aka ki Daud in mobiagpa yo iko in diábí mobaḻí datu kon butá tanaa? Potabádon in tanaa in intau motayak kon inia bo diaan poangoi in naa, sin mustibí in sia matoi!”

SAMUEL 1 24:6

Táe nopaḷut mako, ki Daud nokorasa noitaḷádon sin ain nomia kon tua.

SAMUEL 1 26:15

Tubag i Daud, “Abner, diábí kinotaauanmu degá kon iko nion in intau inta totok in motoyang kon Israel? Nongonu sin diábí iḷukadanmu in ki tuangmu, ki Tuang Datu? Bagupabí oyúon in intau sinumuot kon ḷoḷaiganmu sin moḻimod kon i tuangmu.

DATU MITA IMITÁNEA 2:26

Noiduduimai kon tua ki Datu Salomo in noguman kon i Imang Abyatar, “Bayádon kon ḻipúmu kon Anatot. Iko nion in patusbí hukumon matoi, táe singgai in naa akuoi in diábí moḻimod kon inimu, sin kon dodai in iko noyotakinpa i amáku, iko in noitakin nobaba kon bayongan in roriganea. Bo iko doman in nonompiamai kon Poti Dodandian i Tuhan.”