SAMUEL 1 25:41 - Alkitab Singog In Mongondow Masa In Tanaa

⁴¹ Sinimindog in ki Abigail bo sinumungkud poḷat noguman, “Akuoi naa in bobantung i Daud, diábí mobogat in ginaku in momatá kon sioḷ mita in bobantungnea mita.”

SAMUEL 1 25:41 Referans Kwoze

TIMOTIUS 1 5:10

bo kinotaauan doman in intau kon umuranbí in sia nogaid kon inta mopia, ná umpamanea, ain nonompia kon i adínea mita, motabi kon tumpaḷa intau, moibog mobogoi in kaanon kon intau mita mopirisaya. Moibog doman motuḷung kon intau mita inta nobiag nobogá, pokoknea mosia in totu-totuudon nogaid kon onu inta mopia.

RUT 2:10

Nokodongogmai kon natua, sinumungkud in ki Rut kon tayowon i Boas bo noguman, “Amá, akuoi naa in diábí patus in motarima kon aid inta námai tua in kopopia nongkon i Amá. Akuoi naa in intau mokokiangoi bo diábí patus motarima kon aid mopia nongkon i Amá!”

AMSAL 18:12

Intau inta moḷoḷatú in moḷabúbí, intau inta moompá in dodia in horomatonbí.

AMSAL 15:33

Motoguondok kon Tuhan in nobaḻí dodoyonan in topotundú inta mopia; kahoromatan inunaan in ompá in dodia.

KINOBAḺIAN 18:4

Pomayádon mako bain akuoi in mogamá kon tubig sin pondaritan kon sioḷ i Tuang mita. Koḻigai bá mogogaipa kon siungon in kayu tanaa sinbá moinggamápa in ḷopí.

RUT 2:13

Ki Rut in notubag, “Ki Amá totuudon mopia kon inakó, umpakabí akuoi naa diá notongkai in mogogaid mita i Amá. Kopopia in gina i Amá ain noposanang in ginaku.”

MARKUS 1:7

Sia in noguman doman nanaa: “Moiduduimai kon inakó, moiangoi in intau inta kawasa-Nea noiḻiu kon inakó. Umpaka tongá kumuyung mobuká kon togot in sapatu-Nea, yo diábí patus in akuoi.

SAMUEL 1 25:23

Naonda in inontong i Abigail in ki Daud, ḷagidon in sia noponag kon keledainea bo sinumungkud kon tayowon in sioḷ i Daud,

SAMUEL 1 25:40

Dá noyaputdon in totabá i Daud kon bobay tatua kon Karmel bo noguman kon inia, “Kami naa in pinotabá i Daud mamangoi mogamá kon inimu, sin baḻíonneadon ki buḷoinea in iko.”