SAMUEL 1 25:27 - Alkitab Singog In Mongondow Masa In Tanaa

²⁷ Tarimadon in tombuinag inta dinia in bobantung tanaa kon i Tuangku, bo kon intau mita i Tuangku.

SAMUEL 1 25:27 Referans Kwoze

SAMUEL 1 30:26

Naonda in ki Daud nobui kon Ziklag, nokidia in sia in tongo tonsilai nongkon barang mita inta inagow tatua kon itoi mita in kotá in Yohuda inta ain notuḷung kon inia, gumannea, “Naadon in tombuinag kon inimu nongkon barang inta inagow inta ginamá nami nongkon musung i Tuhan.”

KINOBAḺIAN 33:11

Poigumonku, tarimadon in sosumba inta diniaku tanaa. Ki Allah ain notabi kon inakó bo ain nobogoi in bayongan yagi-yagi inta paraḷuku.” Ki Yakub umuran nodondouḷug kon i Esau, nodapot in aher mako sinarimaneadon.

DATU MITA 2 5:15

Bo Nobuidon minayá in sia takin tumotakinnea kon i Elisa. “Tanaa in kinotaauankudon,” guman i Naaman kon i Elisa, “kon sinangkup in dunia tongábí tobatú in Allah, tuata in Allah inta sinumba in intau in Israel. Tuamai, in poigumonku bá moibogpa in ki Tuang motarima kon onu in ogoiku.”

KORINTUS 2 9:5

Manangka intua, iraikumai yo maní potabákudon muna mamangoi kon i monimu in mosia, sinbá motaau monouḷut muna kon onu inta ogoi monimu podudui in dandi monimu tungkuḷ intua. Aka natua yo moniatadon kon onu in inogoi monimu nion inogoibí takin nosanang in gina bo deemanbí tongá pakisa.

SAMUEL 2 16:2

Ki Datu Daud in noḻibó kon inia, “Pongonu in naa komintan?” Tubag i Ziba, “Keledai mita tanaa in biag inta baḻíon totakoian in motoḷuadí i Tuang datu, roti bo bungai mita in ayop tanaa in ogoi kon bobantung mita i Tuang datu, bo tubig in anggur tanaa in ogoi kon i monia inta ain noḷopí kon padang gurun.”

SAMUEL 1 25:42

Onda intua ḷagidon in sia nonouḷut. Sinumakoi in sia kon keledainea bo dinuduian in bobantungnea bobay in taya ḻima, nobuatdon in sia dinumudui kon totabá mita i Daud, dá sia in nobaḻídon ki buḷoi i Daud.

HAKIM MITA 4:10

Bo ki Barak in nonongganutdon kon suku in Zebulon bo Naptali minayá ná Kedes. Tontara inta dinumudui kon i Barak bo kon i Debora kon dodai intua in 10.000 in intau.

AMSAL 18:16

Tombuinag momukat kon daḷan bo mogatod kon intau mayá kon intau mita moḷoben.