SAMUEL 1 25:13 - Alkitab Singog In Mongondow Masa In Tanaa

¹³ “Pogigabitdon komintan!” parenta i Daud. Dá ḷagidon dinuduian in intaunea mita in singog i Daud tatua. Ki Daud in nogigabit domandon bo nobuat takin degá opatmai nogatut in intau, bo intau doyowa nogatut in sinaḷáan sin moḷukad kon pakakat mita.

SAMUEL 1 25:13 Referans Kwoze

SAMUEL 1 23:13

Dá ki Daud takin intaunea mita inta degá 600 tua, ḷagidon nonaḷámai kon Kehila bo nomampi-mamping mako kon tampat. Naonda in kinotaauan i Saul kon ki Daud ain iḻumuai nongkon Kehila, diádon in sia minayá nonubu.

AMSAL 25:8

Dikabí ḻimika-ḻikat in modia kon pelekara kon pongadilan; sin, aka kon singgai moiduduimai bo noniatamai ikobí in noitaḷá yo onupa in motaaumu aidan?

AMSAL 19:11

Intau mobijaksana in mokoigonbí kon torúnea. Sia in dayowon sin diá mopandungmai kon taḷá in intau kon inia.

AMSAL 19:2

Rajing diá takinan pongotahuan, diábí mopia; intau inta ḻimika-ḻikat in mogaidbí kon inta moitaḷá.

AMSAL 14:29

Intau mobijaksana diábí in sia bayá-bayá tumorú; intau bodok diá mokoigon kon ginanea.

YOSUA 9:14

Dá intau mita in Israel notarimadon kon topiḻik in kaanon in intau mita in Gibeon tatua, bo diádon iḻibó monia kon i Tuhan intua.

AMSAL 16:32

Diá ḷagi tumorú tuabí in mopia-pia in kokawasa; mokoigon kon gina in mopia-pia in mokotaḷow kon kotá.

SAMUEL 1 22:2

Ná doman tua in intau mita inta nobiag iroriga, inta koboḻi, bo intau mita inta monakit in gina, komintan dinumugang kon i Daud, bo ki Daud in nobaḻí itoi monia. Kobayong in dumodudui i Daud in degá opatmai nogatut in intau.

SAMUEL 1 25:12

Dá intau mita i Daud tatua minayádon bui kon i Daud bo nopotaau in tosingogon mita i Nabal tatua.

SAMUEL 1 27:2

Bo ki Daud takin intaunea inta onom nogatut in ḷagidon minayá kon i Akhis adí i Maokh, datu in kotá in Gat.

SAMUEL 2 15:18

Bayongan in pogawai i datu in sinimindog kon ḻimakonea kon dodai in tontara moḷoḷukad kon i datu nopipid sinumaḻib kon inia. Bo onom nogatut doman in tontara inta dinumudui kon inia nongkon Gat, nopipid kon tayowonnea.

AMSAL 20:22

Dikabí mopotuḻí in moraat kon inta moraat; popirisayadon kon i Tuhan, Siabí in motuḷung.