SAMUEL 1 24:11 - Alkitab Singog In Mongondow Masa In Tanaa

¹¹ Tanaa in kinorasaandon tontaní i Tuang Datu kon koina kon bonu in angob, pinosarakandon i Tuhan in ki Tuang kon inakó. Akuoi naa in dinondouḷugandon in intau tobatú kon moḻimod kon i Tuang Datu, táe doí in akuoi. Akuoi in notubag kon akuoi in doíbí mopororigamai kon datu inta ain piniḻí i Tuhan.

SAMUEL 1 24:11 Referans Kwoze

SAMUEL 1 26:20

Dikadon pomayá mako in bobantung naa matoi kon butá in intau, moyayú kon i Tuhan. Onubí in mangaḻenea datu in Israel mamangoi sin moḻimod kon kutu tobatú ná akuoi naa? Onubí in mangaḻenea mondudur kon bobantung naonda bo mondudur kon ḻengat?”

SAMUEL 1 23:23

Dá taridiaidon kopira in angob mita inta ain nobaḻí tampat pinogadopannea, bo buidon angoi in naa bo potaau kon inakó. Bain akuoi in mayá moyotakin monimu, bo aka sia oyúonpa kon butá tatua, yo notantúbí kon bayáanku tayakon, umpakabí modapot in poguraatonku in bayongan in Yohuda!”

SAMUEL 1 23:14

Nopaḷut mako kon tua ki Daud in nogutun kon angob mita kon buḷud kon padang gurun Zip. Sia in umuran aḷo-aḷowan mako i Saul, táe diábí i Tuhan inogoi in sia kon i datu tatua.

YOHANES 15:25

Tongá musti bidon natua, sinbá mobaḻídon in onu inta pinais kon bonu in Hukum Agama monia nanaa: ‘Dia in kinodoyonan pinosaturuan monia kon i-Nakó.’

DATU MITA 2 5:13

Táe bobantungnea mita in dinimiug kon inia bo noguman, “Tuang, akakuma bo ki Tuang in potabá mogaid kon oaidan inta mobogat, yo notantúbí kon aidanbí doman i Tuang. Apa doman tanaa tongábí in sia nokipoinggú kon i Tuang sinbá mopia!”

SAMUEL 1 26:18

Bo ki Daud in bui noguman, “Nongonu sin ki Tuang datu in umuranpabí doman mogaḷo-gaḷow mako kon bobantung naa? Onubí in taḷá in bobantung naa?

MIKHA 7:2

Intau motuḻid diádon in kon butá, intau inta motoindudui kon i Allah diádon mouḻí. Batúan in intau komintandon mogoḷat kon kasampatan moḻimod. Kon batúannea motaan kon poyogaḷap kon tumpaḷa intau.

YEHEZKIEL 13:18

bo potaaudon in onu in inta poguman-Ku, ki Tuhan Inta Totok in moḷantud kon i monia: ‘Moboditodon in moiko! Moiko in mopoḷutud kon bayongan intau in ḻingkit mita ajimat bo koḷob mita in uḷu inta mosakti sinbá mosia inta nomaké in natua mokokawasa kon kobiagan in intau ibanea. Moiko in moibog mongawasa kon kobiagan bo kopatoian in umat-Ku, bo kawasa tatua in pakéon monimu potayak kon kauntunganmu tontaní.

OMBAḶ 4:18

Kami in diábí motaau in ḷumuai kon daḷan, aka ḷumuai umuranbí tarapon mako in musung. Imbuit in kobiagan nami in dimiugdon, sin singgai mita kobiagan nami in notompodon.

AMSAL 15:1

Singog inta moḷukó, mokopiong kon torú; tubag inta mopatú mokotagab kon torú.

MAZMUR 140:11

Biódon mako mosia in kotampurangan baga in tuḷú, bo pinogonag kon bonu in bubú in popatoi, dá diádon mokoḷuai bui.

MAZMUR 35:7

Diábí in mangaḻenea pinotaanan monia kon poyogaḷap kon inakó andeka mongaḻi kon bubú sin podomokan kon inakó.

AYUB 10:16

Aka kodapotanku onu in inaidanku, umpaka diá moḷoben, Iko mogaḷow kon inakó naonda bo singa. Bo poontong-Mu bui in kawasa-Mu, tongábí mopogogondok kon inakó.

SAMUEL 1 25:28

Ampungdon kaasí in ḷaḷoi in bobantung naa. Ki Tuhan in notantú bidon kon mopobaḻí kon i Tuangku takin buí i Tuangku datu kon Israel, sin ki Tuang in noparang kon kopontingan i Tuhan; bo ki Tuangku in diábí mogaid kon inta moraat kinoouput in kinobiagan.

MAZMUR 59:3

Poḷuatdon in akuoi kon intau inta mopoaid in moraat, pomiḷaguidon in akuoi nongkon moḷoḻimod mita.

MAZMUR 119:161

Intau mita inta kokawasa nondudur kon inakó takin diábí in kinodoyonannea, táe tongábí hukum-Mu in koondokku.

SAMUEL 1 12:3

Tanaa in akuoi sinimindogdon kon tayowon monimu! Aka akuoi in nogaidon kon taḷá, yo potaaudon kon tayowon i Tuhan bo kon tayowon i datu inta piniḻí-Nea. Degá nokoimontandon in akuoi nogamá kon sapi andeka keledai in intau ibanea? Degá nokoimontandon in akuoi nonguboḷ andeka noposikisa andeka notarima kon doit poguboḻi kon taḷá? Pogumandon, sinbá onukabí inta ain ginamáku yo pobuionkudon bui.”

SAMUEL 1 26:23

Ki Tuhan in momarakat kon bayongan in intau inta mosatia bo motuḻid in gina. Sin umpakabí singgai naa ki Tuhan ain noposarakan kon i Tuangku kon bobantung naa, táe bobantung naa in doíbí momia kon inta moraat kon i Tuang datu, datu inta piniḻí i Tuhan.

SAMUEL 2 1:14

Guman i Daud, “Mokobaḻíbí totok in iko in moḻimod kon datu inta piniḻí i Tuhan!”