SAMUEL 1 20:9 - Alkitab Singog In Mongondow Masa In Tanaa

⁹ Tubag i Yonatan, “Dika moondok! Aka kotaauanku kon notantúdon kon ki amáku in moniatdon totuu kon mopobodito kon inimu, yo notantúbí kon potaauku kon inimu.”

SAMUEL 1 20:9 Referans Kwoze

SAMUEL 1 20:42

Onda inta nogumandon in ki Yonatan kon i Daud, “Poigumon mako ki Allah in motuḷung kon inimu. Ki Tuhan in moḷukadbí kon inaton bo buí naton in umuranbí mokadai kon dodandian natonda kon tayowon i Allah.” Nopaḷut mako kon tua minayádon in ki Daud, bo ki Yonatan in nobuidon kon kotá.

SAMUEL 1 20:38

Koḷamemetpa topiḻik, dika tumongaw!” Adí tatua in nopuyut kon piot tatua bodongka nobui kon i tuangnea.

SAMUEL 1 19:2

tuamai in noguman in sia kon i Daud, “Ki amáku moḷongasi moḻimod kon inimu; dá pokoingatdon! Pogadopdon in ikoḷom doḷo-doḷom kon tampat inta noiadop, bo pogutunpa kon tua.

SAMUEL 1 19:3

Akuoi in mayábí kon diug in tampat inta pinogadopanmu tatua takin i amáku. Bo mongonguman in akuoi takinnea soaḷ makusudnea tatua kon inimu, bo onu in inouman nami tatua in oumanonkudon kon inimu.”

SAMUEL 1 20:8

Akuoi in mokituḷung kon inimu, sin kitada in nomiadon kon dodandian kon tayowon i Tuhan. Tongá aka akuoi in kotaḷá, yo ḻimodon in akuoi, táe dikabí in akuoi ogoimu kon i amámu.”

SAMUEL 1 20:10

Onda intua ki Daud noḻibó, “Ki ine in mamangoi mopotaau kon inakó aka ki amámu motubag kon inimu poḷat tumorú totok?”