SAMUEL 1 2:6 - Alkitab Singog In Mongondow Masa In Tanaa

⁶ Ki Tuhan in mokopatoi bo mokobiag in Sia. Pinopoponag-Nea in intau kon dunia in intau minatoi. Bo Sia doman in nopoḷuai nongkon tua.

SAMUEL 1 2:6 Referans Kwoze

ULANGAN 32:39

Indoiaika, tongábí Akuoi in ki Allah, diábí in Allah ibanea koḻikudbí in Akuoi. Akuoi in moḻimod bo momiag, monompaḻí bo mongundam. Aka Akuoi in mogaid, diábí tobatúmai in intau in mokoḷawang.

YESAYA 26:19

Umat-Mu inta ain minatoi in mobiagbí bui, awak mita monia in mobiagdon bui. Intau inta ain iḷobong kon bonu in butá in mobiagbí bo morogiow. Naonda bo oḷú inta mokoonow kon butá, Iko in momiag kon umat-Mu inta ain noonggot in minatoi.

DATU MITA 2 5:7

Naonda in binaca i datu in Israel in surat tatua, nomera-merak in sia kon ḷambungnea sin nohawatir, poḷat noguman, “Mobodito, nongonubí degá sin ki datu in Siria tatua in nopoigumbí sinbá undamanku in intau tanaa? Deemanbí in akuoi ki Allah inta oyúon in kawasa momiag andeka momatoi kon intau! Notantú bidon kon ki datu in Siria tua in tongábí motayak kon soaḷ kon inakó!”

WAHYU 1:18

Akuoi naa in Sia inta nobiag tua! Akuoi ain minatoi, táe indoiaika, Akuoi in nobiagbí bo diá bidon mato-matoi. Popatoi bo dunia in intau minatoi kon bonu bidon in kawasa-Ku.

AYUB 5:18

Sin ki Allah in mopouma in takit, yo Siabí doman in mongundam. Bo ḻima-Nea inta nosambok, in inta bui momidai.

YOHANES 11:25

Ki Yesus in noguman bui kon i Marta, “Akuoibí inta mobogoi in kobiagan bo inta momiag kon intau minatoi. Intau inta mopirisaya kon i-Nakó in mobiagbí, umpakabí in sia minatoidon.

MATIUS 12:40

Sin naonda in ki Yunus toḷu nosinggai bo toḷu nogobii kon bonu in sian in toyá, yo natua doman in ki Adí Intau in mogutun kon gantog in butá toḷu nosinggai bo toḷu nogobii.

MAZMUR 116:3

Akuoi in inindoyó in anib in popatoi; popatoi inta mokoondok ain nodomok kon inakó, dá akuoi in inangoian in ḻia-ḻiaw in gina bo moondok.

SAMUEL 1 20:3

Ki Daud in notubag, “Kinotaauanbí totok i amámu kon iko in motabibí kon inakó. Dá notantú bidon kon diábí potaaunea kon inimu in soaḷ tatua sinbá diá moajar in ginamu. Naondaka doman, podoyon kon i Tuhan inta nobiag, totuubí kon kobiaganku naa in naonda bo natu kon ḷuntung in tungoi!”

MAZMUR 68:20

Dayowdon in ki Tuhan, sin Siabí in ki Allah inta noposaḷamat kon inaton; pomuḷoi in singgai momotaan in Sia kon dodiaan naton.

MOHOHUTUBA 3:3

wakutu moḻimod bo wakutu mongundam, wakutu mongokai bo wakutu moposindog.

YEHEZKIEL 37:3

Ki Tuhan in noḻibó kon inakó, “Ei intau ilo-ilow, degá motaau in biagon bui in tuḷan mita tanaa?” Akuoi in notubag, “Tuhan Inta Totok in moḷantud, tongábí Iko in nonotaau.”

YEHEZKIEL 37:12

Tuamai in ponoḷanowdon kon umat-Ku Israel tatua kon Akuoi, ki Tuhan Inta Totok in moḷantud in momukatbí kon pinoḷobongan kon i monia. Akuoi in mopoḷuaibí kon i monia nongkon tua bo mopobui kon i monia kon butá in Israel.

DATU MITA IMITÁNEA 17:22

Inindongogan i Tuhan in sambayang i Elia; adí tatua in nomangkoidon nogina bo buidon nobiag.

MAZMUR 30:4

Iko in nopomiḷagui kon inakó nongkon dunia in intau minatoi, bo nomiag bui kon inakó nongkon sigad in intau mita minatoi.

MAZMUR 71:20

Inogoian-Mu in akuoi in mobayong in roriga mobogat, táe poguḻíon-Mubí in ropotku bo momiag bui kon inakó nongkon pinoḷobongan.