SAMUEL 1 2:26 - Alkitab Singog In Mongondow Masa In Tanaa

²⁶ Tongá ki Samuel, adí tatua, in koḷantud-koḷantudon bo kinoibogdon totok i Tuhan bo in bayongan intau.

SAMUEL 1 2:26 Referans Kwoze

LUKAS 2:52

Kodugang-kodugangdon in koḷoben bo kopandoi i Yesus, bo Sia in umuran kinotabi i Allah bo kinoibog in bayongan intau.

LUKAS 2:40

Adí tatua nodugangdon in koḷoben bo koropot-Nea. Sia mobijaksana totok bo totok doman kinotabi i Allah.

SURAT I PAULUS KON JAMAAT RUM 14:18

Intau inta nobantung natua kon i Kristus, sia tua inta mokosanang kon gina i Allah, bo sia in horomaton doman in intau ibanea.

OUMAN IN RASUL MITA 2:47

Mosia in umuran modayow kon i Allah. Kobobiag monia in totuu mokosanang kon gina in bayongan intau. Pomuḷoi in singgai tantú dugangan i Tuhan in kobayong monia, intau mita inta posaḷamaton-Nea.

SAMUEL 1 2:21

Ki Hana in binarakatan i Allah, dá buipa nopononggadípa in sia in adí ḷoḷaki toḷu bo adí bobay doyowa. Ki Samuel in koitoi-koitoidon kon wakutu in sia mogundoimai kon i Allah.

LUKAS 1:80

Ki adí i Zakharia tatua kodugang-kodugangdon in koḷobennea bo rohonea in koropot-koropot domandon. Bo sia in umuran nogutun kon padang gurun nodapot in singgai inta aindon sinantú kon pokipogontongannea kon intau in Israel.

AMSAL 3:3

Umuran popirisaya bo mokopotoindudui kon i Allah bo kon tumpaḷa intau. Torop intua bo tagú kon ginamu,

AMSAL 3:4

sinbá iko in koibog bo horomaton i Allah bo in tumpaḷa intau.

KINOBAḺIAN 39:4

Nopia in gina i Potipar kon i Yusup, bo sia binaḻíneadon simpaḷnea; bo inogoianneadon in oaidan ki Yusup monompia kon baḷoi bo bayongan kapunyaannea.

HAKIM MITA 13:24

Tongonumai nobuḷan noiduduimai ki buḷoi Manoah tatua nopononggadídon in adí ḷoḷaki bo sinangoiannea ki Simson in adí tatua. Adí tatua noitoidon bo binarakatan i Tuhan;

SAMUEL 1 3:19

Ki Samuel nodugangdon nointoi. Ki Tuhan umuran koyota-yotakinnea bo noponiatadon kon bayongan in onu inta siningog i Samuel.