SAMUEL 1 2:24 - Alkitab Singog In Mongondow Masa In Tanaa

²⁴ Dikadon bui mogaid kon ná tatua adíku mita. Totuu kon totokbí in diá mopia in onu inta inouman in umat i Tuhan soaḷ aid monimu!

SAMUEL 1 2:24 Referans Kwoze

WAHYU 2:20

Táe naa in kinodoí-Ku kon i monimu; Pinomayámudon mako in ki Izebel, bobay inta dinumuí totabá i Allah tua. Nobayongdon in intau-Ku in inakaḷannea bo sinundúnea mogaid kon inta mokotor bo mokaan kon kaanon inta ain pinosumba kon berhala.

YOHANES 3 1:12

Komintan intau nodayow kon i Demetrius. Ki Allah tontaní in nodayow doman kon inia. Sia in dinayow domandon nami, bo kinotaauan bidon i utat kon onu in pinotaau nami naa in motaaubí pirisayaan.

PETRUS 2 2:18

Mosia in umuran mopodandi in uboḷ mita bo inta diá baraguna. Ibog monia inta mokotor totok tatua pinaké monia mopoyaying kon i monia inta bagupa nopirisaya kon i Tuhan.

TIMOTIUS 1 3:7

Musti mopia in tangoinea kon tayowon in intau mobayong sin aka diá mopia yo singkuḻeonbí in bayongan intau sahingga in kokawasaandon in Ibilis in sia.

KORINTUS 2 6:8

Oyúon in mohoromat kon i nami, táe oyúon doman in moningkuḻe; oyúon in moduí, táe oyúon doman moponapud in diá totuu. Umpakabí kami in mojujur, táe kai monia kami in mouboḷ.

OUMAN IN RASUL MITA 6:3

Dá, maníka ki utat mita in momiḻí kon pitu in intau inta kon sigad monimu, intau mopia bo inta kinawasa in Roho i Allah, mobijaksana bo inta motaau pirisayaanmai monoinut kon soaḷ mita tanaa;

MATIUS 18:7

Totuu kon mobodito in dunia naa popisí in totundú inta mokopopisí kon intau mita baradosaan. Memang oyúonbí in wakutu pogaidan kon mokobaradosa kon intau, táe moboditodon in intau inta mogaid kon tua!

MALEAKHI 2:8

Táe tanaa, moiko, imang mita, sinumabatdon nongkon daḷan inta moitutui. Totundúmu mita ain nokopopisí kon nobayong in intau in mogaid kon inta moitaḷá. Moiko in nomoguyaatdon kon dodandian inta pinomia-Ku takin i monimu.

DATU MITA IMITÁNEA 15:30

Ki Yerobeam in binaradosa bo nokopopisí kon intau in Israel binaradosa domandon. Pinongin natua ki Yerobeam nokopomuká kon torú i Tuhan, Allah inta sinumba in intau in Israel.

SAMUEL 1 2:22

Ki Eli in nogoguyangdon totok. Umuran in sia mokodongog kon guman in intau soaḷ oaid i adínea mita kon intau in Israel. Kinotaauan domandon i Eli kon ki adínea mita tatua in nosiug domandon takin bobay mita inta nogaid kon tayowon ngara in Ḷoḷaigan Koangoian i Tuhan.

SAMUEL 1 2:17

Natuata in kobobaradosa i adí i Eli doyowa tatua kon tayowon i Tuhan, popisí in mosia mopoonagmai kon sosumba kuruban kon i Tuhan.

IḶUAIAN 32:21

Sia in noguman kon i Harun, “Onudon in inaidan monia kon inimu nodapot in pinomayámudon mako in mosia nogaid kon dosa moḷoben tatua?”

SAMUEL 1 2:23

Tuamai in noguman in sia kon i adínea mita, kainia, “Akuoi nokouḻídon kon guman in bayongan umat soaḷ dodia monimu inta moraat. Nongonu sin inaidanbí monimu intua?

DATU MITA IMITÁNEA 15:26

Notongkai ná ki amánea inta nomarenta noiuna kon inia, nomia doman in sia kon moraat kon tayowon i Tuhan dá nokopopisídon kon intau in Israel nogaid kon dosa.