SAMUEL 1 2:14 - Alkitab Singog In Mongondow Masa In Tanaa

¹⁴ porok tatua popoturak monia kon bonu in kuyon inta pinodungúan kon ponoyá tatua, bo onukabí in kinoturakan in porok tatua nobaḻídon kapunyaan in imang. Bayongan intau in Israel inta namangoi nongkon Silo sin moposumba in kuruban, komintan pomiaan monia natua.

SAMUEL 1 2:14 Referans Kwoze

YESAYA 56:11

Mosia in naonda bo ungkú turá inta diá kon dodai in onda in mobotug. Itoi mita tatua in diá momangaḻe. Kon batúannea mogaid kinooibogbí in gina bo motayak kon kauntungannea tontaní.

SAMUEL 1 2:29

Dá, nongonu sin iko in tumurápabí in mokoontong kon kuruban mita inta pinodudui kon parenta-Ku, pinosumba in bangusa-Ku kon i-Nakó? Nongonu Eli, sin ki adímubí mita in poḻiuonmu horomaton nongkon i-Nakó, bo pomayámudon mako in mosia mopoḷongó in awak monia takin tonsilai inta totok in mopia nongkon bayongan in sosumba in bangusa-Ku kon i-Nakó?

IMAMAT 7:34

Dodob bo páa koḷanan in nobaḻí oogoi husus inta ginamá i Tuhan nongkon sosumba sinonoi in bangusa Israel bo ogoi kon imang mita. Tuata in umuran mobaḻí pinononsilai in bangusa Israel kon imang mita.

MALEAKHI 1:10

Ki Tuhan Inta Totok in mokawasa in noguman, “Mopia-piabí kon ḻingkopan-Ku in ngara in Baḷoi-Ku, sin diábí in mangaḻenea in moiko monontuḷú kon tudu in mezbah-Ku. Doíbí in Akuoi kon i monimu, bo doíbí in Akuoi motarima kon sosumbamu.

SAMUEL 1 2:13

bo saḷaku imang mosia in mopomia ibo-ibog kon bangusa in Israel. Aka umpamanea oyúon in intau inta moposumba in kuruban, mototuḷung i imang mamangoi kodia-dia in porok inta toḷu in matanea. Kon dodai in ponoyá tatua kotuo-tuonpa,

SAMUEL 1 2:15

Modapot in mokakit doman in mototuḷung i imang tatua mamangoi kon dodai in ḷongónea diápa pinotondí sin tubáan, bo moguman in sia kon intau inta moposumba kon kuruban tatua, “Ogoidon in tapúnea inta diápa dinungú tatua kon i imang sin angagonnea; doíbí in sia motarima kon tapúnea inta ain sinuon.”

MIKHA 3:3

Kinaan monimu in bangusaku. Kuḻitnea in binera-berak monimu bo tuḷannea mita in irimumud monimu. Pinongko-pongkó monimu in mosia naonda bo nomongkó kon tapú inta bonuon kon kuyon.